Hargeysa(HWN):-Taliyaha ciidamada booliska somaliland sareeye Guuto Maxamed Saqadhi Dabagale ayaa xilalkii ka qaaday qaar ka mid ah hogaanada ugu muhiimsan ee ciidamada booliska.
Taliye Dabagale ayaa xilalkii ka qaaday sadex ka mid ah hogaanada kuwaas oo uu qaarkood u badalay qaybo kale balse hogaanka hawl galinta ciidamada booliska ayaanu cidna u magacaabin isla markaana banaan ka dib markii uu xilka ka qaaday sarkaalkii hore ee hayey.
Warar laga helay taliska ciidanka booliska somaliland ayaa sheegay in taliye Dabagale uu xilalkii ka qaaday hogaanada ay ka mid yihiin.
1. Maxamuud Ducaale oo ahaa hogaanka hawl galinta ciidamada booliska
2. Faysal Xiis Cilmi oo ahaa hogaanka qaybta dembi baadhista ee ciidanka booliska
3. Ibraahin Cabdi Xaaji oo ahaa hogaanka tababarada ciidanka booliska.
Wararka ayaa sheegaya in taliye Dabagale uu magacaabay hogaano ay ka mid yihiin.
1. Gaashaanle Sare Ibraahin Xabdi Xaaji oo loo magacaabay hogaanka hawl gelinta ciidanka booliska.
2. Gaashaanle Faysal Xiise Cilmi oo loo magacaabay hogaanka tababarada ciidamada booliska.
Taliye Dabagale ayaan cidna u magacaabin hogaanka dembi baadhista ciidamada booliska iyada oo aan meelna loo magacaabin Maxamed Ducaale oo laga qaaday xilkii hogaanka hawl gelinta.
 |
