hadhwanaagnews
Bismillaahi Alraxmaan Alraxiim (A.S.C.W.R.W.B)
Tu Khaas Ahna Bahda H/W Iyo Akhristayasha.
1-Suugaanta Tirinteeda, Sooyaalkan Taariikhda,
Saatir Hibada Noo Siiyay, Sanku Nelehan Dheeray.
Sadka Eebbaheen Bixiyo, Ma Saluugno Siintiisah,
2-Saqajaanka Ma Naqaano, Sacab Hoorsigi Diinay,
Samafalida Sooryaynta, Saatirkeen Inoo Dhaliyay,
Saaxiib La Noolaansho, Sad La Qaybsi Wada Socoda.
3-Sadbursiimadan Necebnay, Samiqaybsigan Jecelay,
Soorgabkuna Samaan Malaha, Ka Sariigadka Roone,
Sumcadaada Ha U Duminin, Ruux Kale Sarayntiisa.
4-Sahankaad Adigu Diratay, Seef La Bood Adon Noqon,
Saadaali Khayrkiisa, Samaanta Iyo Ammaankiisa,
Sahalyaanay Kugu Dhaafin, Sirta Qaran Haddaad Hayso.
5-Saydhsaydhka Hadalkaaga, Seef Laba Afloow Suxufi,
Siduu Doono Haw Tebiyo, Salkadhaban Ha Kugu Keeno,
Sibiq Ereyga Kaa Siibtay, Soojeed Riyoodkaagan,
Seexashiyo Hurdo La"Aantu, Sababtaada Ha Ahaato.
Ismail Handuleh.
Hadhwanaagnews marnaba masuul kama aha Aragtida dadka kale. Qoraaga ayaa xumaanteeda, xushmadeeda iyo xilkeeda sida. waxa kaliya oo Hadhwanaagmedia dhiirigalinaysaa, isdhaafsiga aragtida, canaanta gacaliyo talo wadaagga!
