HADHWANAAGNEWS 
Hoggaamiyaha mucaaradka Venezuela, Maria Corina Machado, ayaa sheegtay in aanay ka qoomamayn go’aankii ay biladda Nobel Peace Prize ugu wareejisay madaxweynihii hore ee Maraykanka Donald Trump, iyadoo arrintaasi dhalisay dood iyo falcelin caalami ah.
Machado ayaa sheegtay in tallaabadan ay ahayd mid ay ku muujinayso qadarin ay u hayso doorka Trump uu ka qaatay arrimaha Venezuela, iyadoo tilmaantay in uu sameeyay dadaallo ay u aragto kuwo lagu taageerayo xorriyadda dalkaas.
Waxay hadalkeeda ku sheegtay in Trump uu yahay hoggaamiye halis geliyay danaha dalkiisa si uu u taageero xorriyadda Venezuela, taas oo ay ku tilmaantay sababta ay ugu hibeysay abaal-marinta.
Warar caalami ah ayaa xaqiijinaya in Machado ay si rasmi ah ugu gudbisay Trump biladda Nobel-ka, iyadoo ku sifeysay "aqoonsi ku aaddan dadaalkiisa gaarka ah ee xorriyadda Venezuela.”
Si kastaba ha ahaatee, hay’adda Nobel ayaa sheegtay in abaal-marinta aan si rasmi ah loo wareejin karin ama lala wadaagi karin qof kale, inkasta oo ficilkaasi uu ahaa mid astaan ahaan loo sameeyay.
Arrintan ayaa dhalisay muran xooggan oo caalami ah, iyadoo siyaasiyiin iyo falanqeeyayaal badan ay si kala duwan uga falceliyeen tallaabada ay qaaday hoggaamiyaha mucaaradka Venezuela.
