HADHWANAAGNEWS
Nolosha waxaa ka mid ah in dadku ku eedeeyaan, xitaa mararka qaar wax aadan wax shaqo ah ku lahayn. Qaar waxay ku eedeeyaan si ay uga baxsadaan qaladaadkooda, halka qaar kalena ay ku sameeyaan si ay u helaan qiil ay ku qariyaan guuldarrooyinkooda.
Waxaa jira kuwo kale oo ku eedeeya iyagoo ka cararaya masuuliyadda saaran, maadaama ay ku adag tahay inay qirtaan khaladaadkooda. Halka qaarna aysan si fudud u aqbali karin inay qaldamaan, sidaas darteed waxay eedda u weeciyaan dadka kale.
Run ahaantii, eedeyntu mar walba ma aha xaqiiqo, balse badanaa waa sawir ka tarjumaya gudaha qofka eedeynaya, ma aha qofka la eedeynayo.
Qofka garashada leh waa kan fahma in:
Dadku had iyo jeer wax kuu sheegi doonaan
Laakiin aanay dhammaan run ahayn
Qofna uusan ka baxsan karin hadalka dadka
Ugu dambayn, ha u oggolaan hadalka dadka inuu saameeyo jidkaaga. Diiradda saar naftaada, sax khaladaadkaaga, kana gudub waxa aan adiga kaa khusayn.
Qoraal: Hammami Cabdi
Hadhwanaagnews marnaba masuul kama aha Aragtida dadka kale. Qoraaga ayaa xumaanteeda, xushmadeeda iyo xilkeeda sida. waxa kaliya oo Hadhwanaagmedia dhiirigalinaysaa, isdhaafsiga aragtida, canaanta gacaliyo talo wadaagga!
