hadhwanaagnews
Israa’iil ayaa weerarro cirka ah oo culus ku qaaday bartamaha magaalada Beirut, caasimadda Lubnaan, kadib duqeymo saacado badan socday oo bilaabmay galinkii dambe ee maanta.
Warbaahinta Channel 12 ayaa sheegtay in weerarradan lagu bartilmaameedsanayay kaabayaasha ururka Xisbullah, iyo goobo lala xidhiidhinayo Ciidanka Ilaalada Kacaanka ee Iiraan (IRGC).
Duqeymahan ayaa yimid xilli ay sii kordhayaan xiisadaha militari ee u dhexeeya Israa’iil iyo Xisbullah, iyadoo bartamaha Beirut ay ka mid tahay meelaha ugu muhiimsan ee siyaasadda iyo dhaqaalaha Lubnaan.
Illaa hadda lama shaacin khasaaraha rasmiga ah ee ka dhashay weerarradan, balse wararka hordhaca ah ayaa sheegaya in qaraxyo xooggan laga maqlay qaybo badan oo ka mid ah magaalada, taasoo dhalisay cabsi iyo qalalaase ka dhex dhacay dadka rayidka ah.
