War-murtiyeed Ka Soo Baxay Shirka Dhaqanka Somaliland

Shir-waynaha heer Qaran ee dhaqanka Jamhuuriyadda Somaliland ayaa shalay magaalada Hargaysa lagu soo gebo’gabeeyay, kaasi oo labadii maalmood ee u danbeeyay socday. Waxaana laga soo saaray war-muriteed la xidhiidha waxyaabihii la iskula qaatay shirweynahaasi.

Shir-waynahan ayaa waxa soo qaban qaabisay wasaaradda warfaafinta dhaqanka iyo wacyigalinta jamhuuriyadda Somaliland, waxaana lagu gorfeeyay qodobo aad muhiim u ah dhaqanka soo jireenka ahaan ee bulshada Somaliland iyo doorka jiritaanka hidaha iyo dhaqanka, isbadelka iyo bur-burka ku yimaada dhaqanka, saamaynta Tiknoolajiyadu ay ku leedahay dhaqanka, ilaalinta agab dhaqameedkeena soo jireenka ah iyo cilmi baadhista Afka, fanka, dhaqanka iyo suugaanta.

Shir-waynaha dhaqanka Somaliland ayaa waxa ka soo qayb galay dhammaan bahda dhaqanka Somaliland, kuwa hal-doorka u ah waxaanay soo jeediyeen talooyin lagaga baxayo qabyaalada iyo dhaqanka sii lumaya.

Gebo’gabada shir-waynaha dhaqanka Somaliland ayaa waxa laga soo saaray qodobo waawayn oo loogu talogalay in lagu xakameeyo arrimaha dhaqanka iyo qabyaalada, waxa ka soo baxay war-murtiyeedkan iyo qodobadan oo uu shirk ku baaqayo.

1. In la mudeeyo maalinta dhaqanka iyo farshaxanka Somaliland
2. In la sameeyo xeer xakameeya Qabyaalada iyo Takoorka
3. In la sameeyo xeerka baraha bulshada
4. In la sameeyo xeerka dhaqanka Somaliland
5. In la sameeyo xeerka xaqa hal-abuurka