Dhinaca kale, madaxweynaha ku meel gaadhka ah ee maamulka
Muuqaalka siyaasadeed ee u dhexeeya Itoobiya iyo Ereteriya ayaa gaadhay heer aan wanaagsanayn, oo si khatar ah ugu dhow inay qarka u saaran yihiin dagaal hubaysan. Labada waddanba waxay si adag ugu diyaar garoobeen dagaal ka dhalan kara, iyagoo abaabulaya cududdooda millatari, waxayna ka feejigan yihiin xaalad kasta oo colaadeed. Dowladda Eritrea oo xarunteedu tahay magaalada Asmara ayaa door firfircoon ka qaadatay colaadda gudaha ee ka dhex aloosan jabhadaha Tigray People’s Liberation Front (TPLF). Waxay si gaar ah ula safatay Dr.Debretsion Gebremichael, gudoomiyaha TPLF, kaas oo u ololeeya mawqif gardarro badan oo gobolka ah.
Dhinaca kale, madaxweynaha ku meel gaadhka ah ee maamulka Tigrayga, Dr Getchew Reda, ayaa qaatay mawqif taageersan Addis Ababa, taasoo sii hurinaysa xiisadda labada dhinac. Kala qaybsanaantan fikradeed waxay adkeynaysaa dhaqdhaqaaqyada gudaha waxayna halis ku tahay inay u gudubto xasillooni darro ballaaran oo gobolka ah. Diyaargarowga milatari ee labada dal, oo ay weheliso isbahaysiga isbadalaya ee TPLF, ayaa abuuraya jawi aan xasiloonayn oo u bislaaday iska hor imaadka, taasoo suurta gal ah in ay isu badasho dagaal balaadhan oo colaadeed.
hadhwanaagnews 
