hadhwanaagtv
Guddiga Doorashooyinka ayaa shaaciyey in ay si habsami leh u socoto tirinta codadka guud ee doorashada madaxtinimo iyo tan xisbiyada S/land, waxa se ay mas'uuliyiinta xisbiyada iyo ururradu mar horeba sii hayaan natiijooyinka hordhaca ah iyo kala horreynta; maadaama oo kolkii horeba codadka lagu tiriyey goobaha laga dhiibtay, sida xaqiijiyeen ilo lagu kalsoonaan karo.
Musharraxa xisbiga mucaaridka ah ee Waddani, Cirro ayaa ilaa hadda hoggaaminaya Biixi iyo Faysal oo xilka Madaxweynaha ku baratamaya; halka dhinaca xisbiyada codadka u badan ay hoggaaminayaan; Waddani, Kulmiye iyo Kaah, taasi oo ka dhigan in ay iyagu noqon karaan, xisbiyada rasmiga ah ee Somaliland tobanka sanno ee soo socota.
Waxa muuqata in Siyaasi Maxamuud Xaashi uu booska kala baxay, Siyaasiga muddada dheer naawilyey hoggaanka ee Faysal Cali Waraabe iyo xisbigiisii UCID.
Maalinta Arbacada ayey guddiga doorashada SL rasmi ugu dhawaaqayaan natiijada.
