hadhwanaag
Wasiirka Wasaaradda arrimaha gudaha Somaliland Madane Maxamed Kaahin Axmed ayaa joojiyay Caleemo saarka Cuqaasha iyo Jiif Caaqilada dalka, tan iyo inta ay ka dhamaanayaan Doorashooyinka Somaliland ee dalka ka qabsoomaysa 13-ka November.
Wasiirka arrimaha gudaha Somaliland oo soo saaray wareegto uu ku joojinayo Caleemo saarka Cuqaasha iyo Jiif Caaqilada xiliga Doorashooyinka oo nuqul ka mid ah uu soo gaadhay xafiiska war qabadka Wargeyska Dawan ayaa lagu sheegay la tixgalinayo u diyaar garawga Doorashooyinka, wareegtadaasi ayaa waxay u dhignayd sida tan:-
"Ku: Dhamaan Gudoomiyayaasha gobolada iyo Dagmooyinka dalka Somaliland
Xarumahooda
Ku: Taliyaha Ciidanka Booliska S/land
Hargaysa
OG:- Agaasimaha Waaxda Dhismaha Nabada Madax Dhaqmeedka iyo Siyaasada Wasaaradda Arrimaha Gudaha
Xarunta
OG: Agaasimaha Guud ee Wasaaradda Arrimaha Gudaha
Xarunta
OG: Agaasimaha Guud ee Amniga ee Wasaaradda Arrimaha Gudaha
Xarunta
OG:- Wasiir ku xigeenka Wasaaradda Arrimaha Gudaha ee Arrimaha Amniga
Xarunta
OG: Madaxwaynaha Somaliland
UJEEDDO:- JOOJIN CALEEMO SAAR
Iyada oo aan Tixgelinayno u diyaargarowga Hawlaha Doorashooyinka ee ka socda Dalka, waxaa ay Wasaaradda Arrimaha Guduhu joojisay Caleemo Saarka Suldaanada, Chief-Caaqilada & Cuqaasha ilaa inta Doorashooyinku dhamaanayaan.
Sidaas darteed, Dhamaan Gudoomiyayaasha Gobollada & Degmooyinka Dalka S/land iyo Taliyaha Ciidanka Booliiska JSL waxaa aan farayaa in la Joojiyay Caleema-Saarka Suldaanada, Chief-Caaqilada iyo Cuqaasha, cidii ku dhaqmi weydana waa in Talaabo Sharciga waafaqsan laga qaado, laga bilaabo Taariikhda warqaddan.”
