hadhawanaag
Xanuun loo malaynayo Daacuun oo a dillaacay degmada Tog-wajaale, ayaa faro-baas ku haya Dadweynaha.
Wararkii u dambeeyay ee halkaa laga helay, ayaa sheegay in xarumaha Caafimaadka la gaadhsiiyey dad 40 ka badan, kuwaasi xaaladdoodu culus tahay.
Dadka xanuunku soo ritay oo u badan waayeel iyo Carruur, ayaa tiradoodu muujinaysaa sida deg-degga ah ee uu xanuunku u faafayo.
Wajaale oo ku taalla xuduudka Somaliland la wadaagto Itoobiya, ayaan xarumaheeda Caafimaadku lahayn awood ay mar keliya ku qaabilaan bukaano intaas leeg, taasi oo waajib ka dhigaysa in gurmad deg-deg ah lala gaadho Magaalada Wajaale.
Degmada Wajaale oo ka mid ah Magaalooyinka ku yaalla xuduudka, ayaa u nugul xanuunada faafa, sida shuban biyoodka.
