Dawladu waa saddex
tiir. Garsoorka, sharci-dajinta iyo xukuumadda. Ree Somalilanow ma mid aan
xukumo oo aan ugu sareeyo ayaa jirta?. Wasiirada, shan ayaa ugu miisaan culus:
Maaliyada, Arrimaha Gudaha, Arrimaha dibada, Waxbarashada iyo Caafimaadka; ma
mid aan hayo ayaa jirta? Ciidamada, saddex ayaa ugu saamayn badan: Milatariga,
Booliiska iyo Sirdoonka; ma mid aan hayo ayaa jirta? Hay'addaha madaxa bannaan
afar kaliya ayaa Dastuuri ah: Bangiga, Hantidhawrka, Xeer-illaalinta iyo
Shaqaalaha; ma mid aan hayo ayaa jirta? Xisbiyada siyaasadda: iskadaa mid aan
guddoomiyee ma mid aan guddoomiye ku-xigeenka koowaad ahay baa jira? Dadka aan
Awdal ahayni waxa aynoogu jawaabaan 8 sanno ayaad ka talinaysay — oo
dawladnimada iyo heshiiska ma waxa aynu u galnay in aad noo talisaan? Waa maya.
Maanta waxa aynu leenahay aynu wax wada yeelano. Caawadaa la joogo shacabka ree
Awdal 100% waa Somalilnd. Haddii la dhagaysan waayo yaan la is waydiin maxaa
aynu Awdal ku weynay. Waan ka baxay.
Garyaqaan, Abdikani
Mandela
Hadhwanaagnews marnaba masuul kama aha Aragtida dadka kale. Qoraaga ayaa xumaanteeda, xushmadeeda iyo xilkeeda sida. waxa kaliya oo Hadhwanaagmedia dhiirigalinaysaa, isdhaafsiga aragtida, canaanta gacaliyo talo wadaagga!