Maansada Macalinkeen Allow Kaal
Maansadan waxa tiriyey cabdirisaaq axmed cigaal(darwiish) waxaanu si mug iyo miisaan leh inoogu soo tebinayaa sidu macalinku u yahay halbeega nolosha wacan, sidoo kalena dunida islaamka iyo kuwa gaaladuba ay u qiimeeyaan.
Macalinku waa furaha nolosha kaas oo dadka u iftiimiyaha aayaha nololeed sidoo kalena waa tilmaamaha ama horgalaha bulsho meel degan.
Hadaba isagoo qiimaha macalinka inoo soo tebinaya wuxu yidhi :
vMadaxa dalka hooyiyo
vMudankiyo umadeeniyo
vMu’miniinta bulshadeeniyo
vMuftigii diinta sidoow
vMaansadu waa dhiniciinee
vMaqla waanadan maanta.
vIlaahii maalig ahaayoow
vMacbuudka na uumayoow
vAllahaan magantiisa nahayow
vAdigaan kuu maganahee
vMuraadkiisa meel mari
vMacalinkeena sharafta leh
vMuu’min iyo gaaliyo
vMuslim waa yaqaanaa
vMaan lagu hanuuniyo
vMasalooyin kala dhigan
vMarin lagu hagaagiyo
vMidho iyo hoobaan
vMalabkiisa doorka ah
vIyo inu yahay muqadinkii
vMadax ugu sareeyee
vMaamuus ugu mudnaa iyo
vManhajkiisa gaarka ah
vMacalinkeen alloow kaal
vMacalinkiis allow kaal
vMid kale alloow kaal.
vMacalinoow adigaa mudnaadoo
vMaankiyo qalbigaba dega
vMeel-walbana u dhoofsha
vSharcigaaga maraga ah
vAdigaa magacaagiyo
vMurtidaadu madhanoo
vMilyan hadaad maqan tahay
vMaqalkaagu joogaa
vMacalinkeen alloow kaal
vMacalinkiis allow kaal
vMid kale alloow kaal
vAdigaa moogane barbaarshoo
vMaareeya dunidoo
vMuruqa iyo xoogaba
vMaskaxdoodii baa tee
vMacalinkeen alloow kaal
vMacalinkiis allow kaal
vMid kale alloow kaal
vAdigaa murti iyo aqoon
vMadax iyo hogaan iyo
vSheekh mufti la raaciyo
vDhakhtarkii la majeertiyo
vMihnad lagu shaqaystiyo
vSoo saara mudankiyo
vMabda’ooda gaarka ah
vMacalinkeen alloow kaal
vMacalinkiis allow kaal
vMid kale alloow kaal
vMaskaxdii wacnaydoow
vMacneeyaha aduunkoow
vMuranli’ la raacyoow
vMaati daadihiyoow
vMajaraha aduunkoow
vMahadhada kii reeboow
vMaqaamyada awliyaad
vMuqadinkoodiiyoow
vMaxamed iyo shacayboow
vMuuse iyo nuuxoow
vAnbiyadii mudnaydee
vDuunyadu u muhatoow
vMacalinkeen alloow kaal
vMacalinkiis allow kaal
vMid kale alloow kaal
vIntaanad meel ka dhicin
vIntaan magacaagu guban
vIntaan sharaftaadu madhan
vIntaad tahay ruux macno leh
vInaad maamuustaan bare
vMilgihiisa dhowrtaan
vMidhkaasaan doonayaa
vMacalinkeen alloow kaal
vMacalinkiis allow kaal
vMid kale alloow kaal
Waxa Qorey: Cabdirisaaq Axmed Cigaal(Darwiish)
[email protected] Ama 0634240189