Socon Wayday Beeniye Ee Baroorta la Jiif ( Abdi-Shotaly).
Biriijkii shiine dhisee, burco baal kaga yaalay iyo ma riiggii xumbo weynaa,
markuu beenta dhuraayo, ma babulaacad jabtaa, marka uu
bari caayaayo, galbeed-na beero ku sheego, kolka uu baf-baf leeyee,
baloodho raadinayo, bogcad reer u lahaa, intuu boob ku cadeeyo, Ma bahal
gaajo ku raagoo, beryo aydda dhex jiifoo, baadi soo helay baa, Askariga
baaban bal eega, ba'na aan garanayn, xukun bawsadayoo, maskaxdi ka
baxday, bulqaas-kuun ka yaqaan. ku bukoodda wanagga, ku bogsoodda
xumaanta, Nin-ba meesha bugtaa, isagay belbe-shaayoo, bogga hoosiyo
beerka, bay baguugaa ka dhigtaayoo, bestii uu la noqdaayoo, markuu baala
daymoodee, arko ruux bed-qaba, banaankaa ordya, uu ku buubo hinaase,
bal miyuu yar bukoodiyo, ku habaara balaayo, cuqdad-biirtay ayaamo,
buux-santoo ku dhamaatay, ayuu soo bandhi-gaayo, basarkaa ka xumaadda,
hadba beel isku qaadda, Waddani baa i bireeyey, kulmiyaa baabi'iseen.
waxan buuga ku oolin, ayuun buu babiyaa, hadaaq uun la butaaca, sidda
babka askariga, kala qaybiya beesha, beledkaa wadda joogta, in uu buuq
geliyo, dagaal laysu badheedho, hoogayey badatoo, ku basbeello
sidaaAskari beenti way socon wayday miyaanu raali ka ahaan karnaa, saw
inaan iska baydhino maaha, meel inoo fayoobi ma jirtee, bal ummad yahay u
fiirsadda, mid derbi-yadda seexdda, oo bakhtigu u xalaal yahay, baa
reer iyo mid aanu isku xaafad nahay baa kursiga ku fadhiya, ku
difaacaaya, Waxaas oo xumaan ah, kan hadoodi-layee hanjabaadda ku
waashay, misna hoos ka qalaalan, hoorseed-kiisii khaldamay, hadalkii is
dhex qaaday, hubaal maw arag-teen. Akhristaw aan dib ugu soo noqdo'e,
sidda uu cinwaanka maqaalku inoo biniixi-naayo'e, bal ku soo dhawaw waa
tane. caqliga askarigu wuxu is leeyahay, malaha la gaadhi-maayo, Bisha
soo socota 10/01/2020. ee maalin-taas muxuu sidiisii la wadha-dhac odhan
ka "Xaafad-tooyadda" afarta dhuuni raac kursiga isugu ruxaa, ee magac
aanu lahayn sheegtaa?
Muwaadin waxa uu dadku u yaqaano " Makhruuqa,
waa cudur laga qaado qof waxaad jecshahay, oo aad wayday haysta, oo aad
ku aragtay ama heli kari la'dahay, ama maksab uu gaadhay aad u diidan
tahay, oo qaybta illaahay iyo abuuri-diisa ka soo hor-jeedda, doonaaya
in ruuxaasi wuxu illaah ugu deeqay, in uu ka qaado oo isaga siiyo, mana
laha dawo kaasi, ee isaga buu dishoodaa una dhinta, Waxay dadka qaarkii
ku sheegaan noocaas " Xaasid " waayo wuxu
ka dhimanayaa qofkaa uu sinaba ula sinmi waayey, ee uu casaawa-jalahu ka
sarey-siiyey, dabeed wuxu isku dayaa in uu kolba taako u dhigo, uu is
yidhaaho ha ku jabo, waase uu ku guul daraystaa sidda Raggii ma adigaa
ka hadhay. kaas oo markii uu ka yaabay, maalin-ba-maalinta ka dambaysa,
murugo iyo muraara-dilaac, maskax-fered iyo weji gabax ka sii qaadaaya,
waa kaase maryihii dhigtay, markii ay ummadu qaawisay, ee la isu soo
taagi waayey. Markii uu ku joojin kari waayey dadka beenta. buu imika
kolba shaadh inoo soo gashanayaa, hore baa milicdu u cadaysay inta la
hurgufaye. maskaxi meesha ma taal, umana uu dhalan, weliba ay u sii
dheer tahay xanuun beeleed, oo kaga xun wadkii dili lahaa askariga bilaa
akhlaaq-dda ah.
Tuke ha iska qalaadee, sidda keliya ee ay ummadani kaga bixi
karaan xumaanta iyo boobka, qaska, qabyaaladda, horu-mar la'aanta,
xaraashka Hantidii ma guurtadda ahayd ee shicibka, kuna soo noqon karto
mustaqbalkii iyo rajaddii dalkan iyo dad-kani. Muwaadin, ma wax aad sii
eegato baa hadhay, saw tan aad dib ugu noqotay Dawlad goboleed, ee uu
caalamkii dhabarka inoo jeediyey, albaab kaste la inaga soo xidhay,
askartiina ay inaga isku keen jeedisay, oo mid-ba kuu ka liitay loo
tiriyey xaf iis, mid aanad duqsi ku aamin-teen, baa geeri iyo mag la'aan kugu
dhaxalay, oo aan ku qaraari-nayn haday kaa baxayso, adna aad ugu
rixinaysaa ama daba ordaysaa qabyaalad iyo reer hebel, ee goor maad ka
waantoobi, Oo aad dantaa garan doontaa, ma marka xabaasha lagugu rido,
baad iilka ka soo qaylin doontaa, oo aad is odhan godka aad ku jirto wax
ka bedel, imika baad wax qabsan karaysaa ee muwaadin feker. Qofku marka uu sas ka qaado, guulaha qayrkii gaadhay, ka bacdina
soo haaban kari waayo, uu is yidhaaho sare isu soo qaad, kan eebbe
hibadiisa uu halkaa ku gaadh-siiye barbar orod, wuu khali duuraa,
carqaladuu is yidhaahaa ka hor keen, ka uu xinka iyo xaasid-nimadda,
reer hebel u daba ordaaya, waxa-se uu ka siibtaa salaankii uu is lahaa
fuul, isaga oo laban-leg-doonaaya buu dhulka ka soo go'aa, Akhristaw,
Waxan ku soo qoofalay qoraalkan, la dabaalo wareerka adigaa isku beeree
Askari-yahaw dhukani.
* N.B Habaar Qabe Hiil Ma Laha.
Abdi-Shotaly.
AFEEF:
Hadhwanaagnews marnaba masuul kama aha Aragtida dadka kale. Qoraaga ayaa xumaanteeda, xushmadeeda iyo xilkeeda sida. waxa kaliya oo Hadhwanaagmedia dhiirigalinaysaa, isdhaafsiga aragtida, canaanta gacaliyo talo wadaagga!
Loading...
Loading...