Muxuu Muuse Biixi Ugu Guuldaraystay Inuu Qabto Doorashooyinka Wakiilada Iyo Deegaanka Ee Somaliland Mudo Labo Sanno Ah?
Waxaa Maalin dhawayd oo ay bisha December ahayd 17 sannadka 2019 shir jaraa’id oo aan nuxur badanlahayn jeediyay Maxamed Kaahin oo wali kucelcelinaya wax uu tobanaan jeer oo hore sheegay, oo ah in xisbiyadda mucaaridku ay is hor taageen qabsoomidda doorashooyinka taasi oo aan u arko wanjal iyo been cad oo uu hore u sheegay marar kala duwan waxaanse leeyahay Maxamed Kaahinoow taasi waa (wax aad Ogtahay ma kuu sheegaa). cidda ku guuldaraysatay inay qabato doorashooyinka waa macallinka Fariinta qaldan ku soo fara ee Muuse Biixi kaasi oo aad ka quud daraynayso inuu maalin uun kuguwareejiyo kursiga gudoomiyenimo ee Kulmiye. Waa kursi uu ilaa hadda si cad iyo fagaare loo wada dhanyahay ba u diidan yahay inuu kugu wareejiyo. Maxaa u diiday sidii Siilaanyo uu ugu wareejiyay isaga waa Muuse Biixiye, muddo saddex bilood ah inuu adigana kuugu wareejiyo mise timir lafbaa ku jirta oo wax uu la gabanayo oo aanad dhaadayn hadda ayaa jirta. Macal cune muuqan doonee waxaanse ku odhan lahaa dhul u dhacaaga hubso, Muuse ma aha qof la aamini karo oo waa wacad qabe kuwo mudo dheer ku rarnaa qaab Beelaysan iyo mid xisbiyaysan labadaba oo ku dhaqan Dagmadda Bristol ee Carrigaa UK, oo hiil iyo hooba isla garab taagay Muuse waa la layahay mid kaliya oo uu abaal u celiyay iskaba daa abaale uu kuyidhi waad Mahadsan tahay. Markaa ma laga yaabaa inuu cidla adna kaaga dhaqaaqo oo aad u qaadanwaydo, wax kasta ka yaab sidii ninkii cadan ka gabyee yidhi:
- Adigoo t oban Yemen ku qaday , taana la arkee .
- Adigoo Moo ge iga tiiri leh , taana la arkee .
Bal aan kula dhawro halka puppet nimadda Biixi kugu furto waa loo wada joogi, tariikhdu Been ma sheegtee.
Aan u soo noqdo dulucda maqaalka, sida aniga iyo dad badan oo kale qabaan waxa dhab ah in Muuse ku guuldaraystay qabashada doorashooyinka golayaasha wakiilada iyo deegaanka ee mudo dhaafka ah sabatuna waxa weeye aduun urursi iyo musuq isaga iyo qoyskiisu ku fooganyihiin. Golayaashuna waa gaboodka uu kula dhuumnayo musuqa, tusaale ahaan xubnaha golaha wakiiladu isga ayay ugu jiraan jeebka sare ee shaadhkiisa xataa marka lagu daro gudoomiyaha wakiilada baashe oo ah dhambaal tabiyaha muuse biixi kasoo qaada fariimaha kadibna keena golaha. Fariimahaa aan shegayo kuwii ugu danbeeyay waxa ka mida markii lagu yidhi xisbiyada ka dhin lacagtii ay qaadan jireen oo iyada lafteedu talaabo ka hor tagaysa in doorasho dhacdo. Tusaalahaas ayaa calaamad u ah sida Muuse bixi uu u kantroolo golihii wakiilada ee matalayay shacbi waynha reer somaliland. Golayaasha deegaanada iyaga hadalkooda iska daa. Tusaale u soo qaado golaha deegaanka ee Hargaysa oo gudoomiyahooda ahna maayar ka magaalada aad moodo xoghayahii khaaska ahaa ee madaxweyne Muuse. Madaxweynuhu aad ayuu ula dhacsan yahay arinkaa waana sabab kale oo ku riixaysa in aanuu doorasho qaban. Waxaan u soo jeednaya xisbiyada mucaaridka iyo dadwaynaha a in aanay wakhti iskaga lumin in ay muuse ku qanciyeen inuu doorasho qabto waayo diyaarba u ma aha.
Aan ku soo afmeero maqaalkan inuu Riyaale ahaa halyay qaran oo tiraba 5 doorasho qabtay xilligiisii. Dimuquraadiyada ay maanta Somaliland ku faanta qaybwayn ku leh. Kulmiye oo ay horboodayaal ka ahaayeen Siilanyo, Muuse iyo Maxamed Kaahinna waxa cadaatay in aanay reer kulmiye hal ka gaadhayn Daahir Riyaale.
Qore: CabdiMuhu
AFEEF:
Hadhwanaagnews marnaba masuul kama aha Aragtida dadka kale. Qoraaga ayaa xumaanteeda, xushmadeeda iyo xilkeeda sida. waxa kaliya oo Hadhwanaagmedia dhiirigalinaysaa, isdhaafsiga aragtida, canaanta gacaliyo talo wadaagga!