SALAAN KADIB WAXAN MID KHAAS AH U SOO DIRAYAA,

BAHDA HADHWANAAGNEWS IYO AKHRISTAYAASHEEDA.

 

GEEL DHAQASHADIYO,RAGGU WAA ISGRAB YAAL,

GEEDI LAGU LALABAYO, GUURAYAANA REERUHU,

GIBIL MA DAADSHE AWRA,UBAD LOO GUREEYAA,

GAABIS LAMA HORMARIYE,SI LOO GAADHO BEELA,

HAYINKII GADHQAADLA,GEEDI LAGU XIDHIIDHSHA,

GAALGAALIS MOOYEE,GODOL KUGUMA DEEQDOO,

GOROF LOOMA CULAYO,GABNO LAMA BANAYSIMO.

RAGGUNA WAA GEDAASO,GOLE WAXA LA GEEYAA,

GARASHIYO NIN DIINLO,WAAJIB EBBE GUDAN KARA,

GADAAL FULE KA BAQAYA,GARMAQAATE MURANLAH,

GACAL LAGUMA AAMINO,GEEDNA LOOMA SOO DIRO,

GARINA WAA GEDAASO,GOLAHA ADIGA OON TEGIN,

GURIGAAGA HOOSTIIS,AYAA LAGU GORFEEYAA,

GOLDALOLADEEDIYO,GURAC LAGAMA BAADHEE,

XAQAA LOO GARGAARA,GUDOONKA LA QAATA,

GOBANIMADU WAA TAAS,IYO GEESINIMADUBA,

GUULE TIISA WEEYEE,DOORASHAA LA GELAYAA,

DADKA SOO GURAYSAN,GABDHAHO IYO WIILKABA,

GARASHIYO AQOONIYO,GAR ILAAH KU SOO XULA,

LA GURGUURTE LAALUUSH,GADANAAYA ODAYADA,

KU GABADA QABIILOON,GAAR AHAAN IS BIXIN KARIN,

ISKA DAA GUDOONKOO,GOLEYAASHA YUU IMAN.

GACANTAA KU HAYSAAN,GUUSHEENI MAANTEE,

WAA HADDAASE GARATAAN,AMA INAN GUMOOWNAA.

   ISMAIL ABDILLAHI HANDULEH.