Xisbiga Waddani Oo Tacsi Udiray Wasiirka Arimaha Gudaha Somaliland Oo Hooyadii Geeriyootay
Guddoomiyaha Xisbiga Mucaaradka ah ee WADDANI, Dr Cabdiraxmaan Maxamed Cabdillaahi [Cirro], isaga oo ku hadlaya magaciisa, ka hoggaanka, Fulinta, Golaha Dhexe, laamaha dibedda iyo taageerayaasha Xisbigaba, waxa uu tacsi tiiraanyo leh u dirayaa qoyska, ehelada, qaraabada, asxaabta iyo shacbiga Somaliland ee ay ka baxday Alle ha u naxariistee Marxuumad Hooyo Indho-deeq Jaamac Cumar oo xalay ku geeriyootay 22/12/2019 Magaala madaxda Gobolka Togdheer ee Burco.
Guddoomiyuhu waxa uu si gaara uga tacsiyadaynayaa geeridaasi Qoyska reer Kaahin gaar ahaan, Wasiirka Arrimaha Gudaha Somaliland Mudane Maxamed Kaahin Axmed oo ay hooyadii ahayd marxuumaddu. Guddoomiyuhu waxa uu marxuumada Ilaahay uga baryayaa inuu naxariistii janno ka waraabiyo, qoyska, ehelada, qaraabada, asxaabta iyo guud ahaan shacbiga Somaliland ee ay ka baxdayna samir iyo iimaan ka siiyo.
Waaxda War-faafinta ee xisbiga WADDANI
Hargeysa Somaliland.
AFEEF:
Hadhwanaagnews marnaba masuul kama aha Aragtida dadka kale. Qoraaga ayaa xumaanteeda, xushmadeeda iyo xilkeeda sida. waxa kaliya oo Hadhwanaagmedia dhiirigalinaysaa, isdhaafsiga aragtida, canaanta gacaliyo talo wadaagga!