Faysal Waraabe Oo Xamar Shaqo Ka Quudaraynaya By Amir Bidde
Dabadeedna iyadoo arrini sidaa u qasan tahay ayuu si degdega ugu baxay
Nairobi, oo qiyaastee looga yeedhay. Wuxuu madaarka Cigaal ka sheegay markuu ka
soo noqday Nairobi inuu kulanno la lahaa siyaasiin ka socday dawladda
Soomaaliya. Wuxuu yidhi waxaan ka tashanaynay sidii Soomaaliya looga badbaadin
lahaa Itoobiya oo Soomaaliya dhammaan qabsanaysa. Waana arrin uu wado safiirka
Maraykanka ee Nairobi, ayuu yidhi. Wuxuu kaloo sheegay in Somaliland na qayb ka
tahay Soomaaliyada la qabsan rabo. Wuxuu yidhi hadallo la yaab leh oo ku
hadaaqayo ay ka muuqato in Nairobi looga soo dhiibay. Hadalladaa oo uu ku
weerarayo jiritaanka Somaliland. Waa markii u horraysay ee Faysal ku qudbadeeyo
shir beeleed inuu rabo. Arrintan oo hore waddani uga dhawaajay ayuu si buuxda u
xaqiijiyey. Shirbeeleed oo macnihiisu tahay in laga noqdo gooni isu taaggi
Somaliland.
Laba cisho ka dib xaflad jaamacadeed lagu qabtay Boorama ayuu hadalkii ku ceshay uu reer Boorama si cad uga codsaday inay mar labaad shir-beeleed u qabtaan beelaha Somaliland. Nin wasiira oo reer Boorama ah ayaa u jawaabay oo yidhi ma 26 sano ayaad dib noo celinaysaa. Shirka 26 sano ka hor halkan (Boorama) ku qabannay dawladnimo ayaa lagu raadinayay. Waa lagu helay, waana la dhisay dawladdaa dimuqraadiga ah ee codka dadwaynaha kursiga u sarreeyo lagu fuulayo. Ka dibna mdxwayne ku xigeenka oo ka mid ahaa martida xafladdaa ayaa hadallo noocaa oo kale ah ugu jawaabay Faysal.
Si fudud oo hufan oo bilaa naxli ah ayaa Faysal dhulka loola dhacay. Isagoo bisad ka yar ayuu Boorama ka soo hulleelay.
Iyadoo weli u socdo is mari-waagii iyo murankii cirka isku shareeray ee xisbiyadu ayaa Faysal misna looga yeedhay Dubai si uu ula kulmo hoggaamiyayaasha siyaasadda ee Soomaaliya. Telefashanka Hctv oo maalintii guddida dhexdhexaadintu go'aanka soo saartay waraysatay, isagoo weli Dubai ku sugan, wuxuu Faysal si xun u duray oo uu dagaal ba'an ku qaaday mdxwayne Biixi . Wuxuu Somaliland ku tilmaamay dukaan Muuse Biixi leeyahay (dal jira maaha ee dukaan nin leeyahay). Iyadoo heshiisyada guddida ku jireen inaan la is aflagaadayn oo xisbiyada mucaaridku ixtiraamaan madaxda dalka. Weriyihii baa ku yidhi adigu miyaanad xisbiga UCID ka dhigan dukaan aad leedahay, tan iyo sidii loo aasaasay xisbiga ayaad guddoomiye iyo musharraxba ka tahee? Madaxuu xoqxoqday, wuu isku meeraystay..
Waxa la waydiiyey wuxuu ka qabanayo Dubai, wuxuu sheegay inuu siyaasiinta Soomaaliya kulanno la leeyahay, sidii Soomaaliya loo badbaadin lahaa. Markan cidda laga badbaadinayo wuxuu ku sheegay Farmaajo. Weriyihii ayaa ku yidhi: Somaliland baa qasane, maxaa Soomaaliya kaa galay?
Wuxuu Faysal iska dhigay inuuna su'aasha maqal, waa loogu celiyey
kadbibna marba dhinacbuu u jeestay, madaxuu xoqxoqday wuuna nabadgelyeeyay
weriyihii.
Faysal ma saalloona.... arrinta Faysal hay'adaha ammaanku ha hubiyaan!
Wallaahu aclam,
A. Amir Bidde
AFEEF:
Hadhwanaagnews marnaba masuul kama aha Aragtida dadka kale. Qoraaga ayaa xumaanteeda, xushmadeeda iyo xilkeeda sida. waxa kaliya oo Hadhwanaagmedia dhiirigalinaysaa, isdhaafsiga aragtida, canaanta gacaliyo talo wadaagga!