Hargeisa(HWN):-Xukuumadda Madaxweyne Muuse Biixi Cabdi, ayaa sheegtay in dib loo eegayo Heshiiskii xukuumaddii hore kootada ugu xidhay shirkadda Somcable inay dalka keento Internetka Fiber Optic-ga.

Wasiirka Wasaaradda Isgaadhsiinta iyo Technology-ga ee Somaliland Cabdiwali Sheekh Suufi oo waraysi siiyey telefishanka Horyaal24, ayaa sheegay in wasaaraddiisu dib u eegayso heshiis xukuumaddii madaxweyne Siilaanyo shirkadda Somcable ruqsad ugu siiyey inay dalka Keento Internetka Fiber-ka.

Wasiirka oo arrimaha ka hadlay wuxuu yidhi” "Horta arrinka Cable-ku wuxuu ku yimi heshiis wasaarada iyo shirkad ka mid ah shirkadaha ay 25 sanno ku heshiiyeen in adeega u qabato wasaaradda. Arrinka Cable-ka wasaarada ayaa leh sharci ahaan, xitaa markaad eegto xeerka is-gaadhsiinta wasaaradda. 

Laakiin wasaaradda ayaa u igmatay, kadib wuxuu maray wareegto Madaxweyne xeer baarlamaan-baanna lagu ansixiyey. Ka wasaarad ahaan waxaannu ku samayn doonna dib-u-eegis, laakiin heshiiskii wasaarada iyo Cable-ku way jirta.”Ayuu yidhi Cabdiweli Sheekh Suufi

Sidoo kale, Wasiirku wuxuu sheegay in sannadkan cusub bilowgiisa la isu-xidhi doonno khadka telefoonadda"Laba jeer baa la isu-dayay oo labaddii jeer-baa kolay way istaageen, xeerka ayay ku qorantahay xeerka is-gaadhsiinta ee xeer lambar 50 ee 2011-ka soo baxay in isku xidhka shirkadaha is-gaadhsiintu yahay waajib. 

Xeerku laakiin wuxuu sheegay maba’diidii guud, annaga oo taa ka dhaqaaqaynaa waxaannu samaynay xeer nidaamiyaha isu-xidhka shirkadaha is-gaadhsiinta, marka wuxuu soo baxay dhawr bilood ka hor, marka farsammo ahaan siddii la isugu xidhayay ayaannu shirkadaha ka wadda-shaqaynaynay oo ay ku qas-banyihiin oo waxaannu ku tallo-jirnaa bilowga sannadka soo socda inay hirgasho”Ayuu Cabdiweli Sh. Suufi

Hadhwanaagnews,Office

Hargeisa,Somaliland