Hargeysa(HWN):-Xukuumada Muuse Biixi ayaa madaarka magaalada Hargeysa ku xayirtay wariye Bushaaro Baanday oo ka mid ah suxufiyiinta madaxa banaan ee somaliland.

Wariye Bushaaro Baanday oo ka dhoofaysay madaarka ayaa qaar ka mid ah suxufiyiinta u sheegtay in lagu xayiray madaarka magaalada Hargeysa ka dib markii lagala soo dagay diyaaradii ay raacaysay.

Wariye Bushaaro Baanday ayaa sheegtay in ciidamo dhar cad ahi ka soo dejiyeen diyaarada kedib muddo hal saac iyo badh ah ay ku hayeen qol madaarka ka tirsan iyadoo agabkii ay sidatayna lala wareegay.

Ciidamada diyaarada kala soo dagay wariye Bushaaro Baanday ayaa goor dambe u ogoladay inay ka dhoofto isla markaana ku wareejiyey dhamaanba agabkii ay kala wareegeen markii hore.