Daayinoow Allahayoow, Adigaan Kuu Dacwoonaye, Duufanadan Dhacaayiyo Dabayla Na Geesmari.
SALAAN KADIB WAXAN MID KHAAS AH U SOO DIRAYAA,
BAHDA HADHWANAAGNEWS IYO AKHRISTAYAASHEEDA
1-Doorasho aan waxtarahayn,Kala daadin mooyeen.
Danta shacab daryeelayn,Durbaan beena tumistii,
Daartaa kuwaynu geynaa,Ku danaysanaayaan,
Dibiraanoy dhergaanooy,Keligood durduurtan.
2-Dameer malab ay saaraan,Rayska goortu daaqana,
Dinaaxyeeya kibirkoon,Dabadeed danbaabidha,
Isku dira dhexdoodoo,Daan iyo daan u kala dira,
Dadkeenu way ka daaleen,Cidna dooran maayan.
3-Distoorkaynu dhiganiyo,Kuwan dumiyey qarankii,
Dalku wuu u baahana,Dawlad baanu nahadiyo,
Dibadaha ku faankee,Alle doori baw kacay,
Kaga duuban qoortoon,Docna aan u wadahayn.
4-Daayinoow Allahayoow,Adigaan kuu dacwoonaye,
Duufaanadan dhacaayiyo,Dabaylaha na gees mari,
Danyarta iyo masaakiin,Dulmanahaw gargaaroo,
Dadkana nabad ku daayimi,Daalimiinta naga qabo.
Ismail Abdillahi Handuleh.
AFEEF:
Hadhwanaagnews marnaba masuul kama aha Aragtida dadka kale. Qoraaga ayaa xumaanteeda, xushmadeeda iyo xilkeeda sida. waxa kaliya oo Hadhwanaagmedia dhiirigalinaysaa, isdhaafsiga aragtida, canaanta gacaliyo talo wadaagga!