Hargeysa(HWN):-Dablay ka tirsan jabhada Kornayl Caarre ayaa weerar ku qaaday saldhiga dhexe ee magaalada Ceerigaabo.

Sida ay sheegayaan warar soo gaadhaya shabakada caalamiga ah ee Hadhwanaagnews, dablayda hubaysan ayaa goor dhawayd weerar culus ku qaaday saldhiga dhexe ee magaalada Ceerigaabo oo ay bartilmaameedsadeen.

Dablaydan oo ayey wararku sheegeen inay ka tirsan yihiin jabhada kornayl Caarre ee fadhigeedu yahay duleedka degmada Ceerigaabo kuwaas oo khasaare gaadhsiiyey ciidamada booliska ee ku sugnaa saldhiga dhexe ee xarunta gobolka Sanaag.

Sida ay wararku sheegayaan dablayada ka tirsan jabhada Kornayl Caarre ayaa markii ay fuliyeen weerarka ay ku qaadeen saldhiga booliska ee Ceerigaabo waxay ku guulaysteen inay ka baxsadaan goobta.

Dhinaca kale xukuumada ayaan ilaa hada ka hadal khasaaraha soo gaadhay ciidamada booliska ee lagu weeraray saldhiga dhexe ee magaalada Ceerigaabo.