oo u nacamiya askarta bilaa caqliga ah, ee xaafad-tooyadda ka shirbeeya, siddii habar-dugaag raq isku haysta, kuna marmar-soodda Somaliland wax la yidhaaho baanu difaacnaa, laakiin ay xaqiiqdu tahay, iyo sababta ay u guuxayaan waxan isku beel ka soo jeednaa labadda askari ee dhabanaansan siddii lax dhukan, isna leh malaha waxad isku qarin kartaan, idinka oo yidhaaha Somaliland baanu gaadh kahaynaa, runta rasmiga ahina ay tahay, in la difaacaayo maamul beelaysan, oo koodh ay is leeyihiin la arki-maayo u soo geliyey reer hebel. Kuwa noocaas ah, ee u sacab tumaaya maamulka askarta, wax kale ii sheegi-maayaan aan ahayn, waanu kaa xignaa, sidaas awgeed ha is odhan cidi kula fahmi-mayso waxad hadoodi-laysaan, isuna dabaal-joogtayn kari-mayno, waynu isla garanaynaa waxa aad u taageeraysaan ( Oo waa isir ahaan). hadaba kala daaya oohinta aad qubaysaan iyo iska yeel-yeel daacadda aad isu ekaynaysaan, xaq darradda baanu ku ayidsan nahay iyo  kala daaya cadaalad baanu doonaynaa.

 Akhristaw saaka kuwa aan sare ku soo sharaxay baan in yar oo maanso ah odhanayaa, ku soo dhawaadda waa tane:-

Inan yahaw gob baan ahay, Gob-gob dhaaftay baan ahay,

Gobi sii dhashaan ahay, hooyaday gobaad baan,

Gosha aan ku seexdoo, goga aan ka nuugoo,

Garays-keedda huwadoo, guudkay-gu qaadoo,

I Gar-daadisee garo, Abtigayna Gobanimo

Galad aan cid kale helin, b aa lagu guneeyoo,
Ku gar-gaaray Eebbuhu, geedkaa saraan ahay,

Halyey gaara baan ahay, geesi dhaatay baan ahay 

Inan Geed Adayg ahay, halkaas baad ka garataa.

Ragu golahu leeyahay, gadaal layma eegee,
Ka gudoomi-naayiyo, gadh-wadeenki baan ahay.

Martidoo gab soo tidhi, Bakhayl baa ka gaabshee,

Ninka gogol u fidiyee, qala goola-shaan ahay,

Gar hadii ay noqotana, halka ay u go'ay-siyo,
Gobodaan abaaraa, guurtidaa ka talisee,

 Gardaradda shakaashiyo,  ka gunaana-daan ahay,