Muqdisho(HWN):-Duulimaadyadii tooska ahaa ee u dhaxeeyey Muqdisho Iyo Nairobi oo in mudo ah hakad ku jiray ayaa mar kale go’aan laga gaadhay.

Hay’adda duulimaadyada rayidka ah ee dawlada federaalka ah ee soomaaliya ayaa sheegtay in dib loo bilaabay duulimaadyadii tooska ahaa u dhaxeeyey Muqdisho Iyo Nairobi.

Talaabadan ayaa qeyb ka ahayd heshiis ay dhawaan ku gaadheen magaalada Nairobi ee dalka Kenya Madaxweynayaasha dowladdaha Soomaaliya iyo Kenya Maxamed Cabudllaahi Farmaajo iyo Uhuru Kenyatta.

Garoonka diyaaradaha magaalada Muqdisho maanta si toos ah waxaa uga duushay diayaarad ku sii jeeday magaalada Nairobi ee dalka Kenya, taasoo rakaabka saaran si toos ah uga dajin doonta Nairobi iyada oo aan si imarin Wajeer oo markii hore ay qasab aheyd in ay sii maraan diyaaradaha ka duula Garoonka diyaaradaha Aadan Cadde.

Dowladda Kenya ayaa bilo ka hor soo rogtay in dhamaan diyaaradaha ka imaanayo Soomaaliya ay ku hakadaan garoonka caalamiga ah ee Wajeerr si baaritaan loogu sameeyo.