'' Rasaastii Jiibka , Sheeko Xasuus Badan ''.
Sanadku waa horaantii 1990 , sidii sanadihii horre sanadkani isna wuxuu ku bilowday saban colaadeed iyo dhiilo joogto ah , danse lagama laha , waayo dee waa lala qabsaday .
Dhiiladda waa lala qabsaday waxaan u leeyahay , baryahaa wax kasta oo dhaca oohin iyo baroor midna dhagahaygu may maqli jirin , dadkuna warkastoo yimaadaa waxba kama badeli jirin .
Hadaba waa sidaase , habeenkaa aan sheegayo barqadii ayaa waxa soo maray Tuulihii aan joogay oo la yidhaahdo Kaamgaas gaadhi Suze ah oo uu lahaa nin la odhan jirey Yuusuf Ibraahin hurre ( calawash) alle ha u naxariistee , waxaanu sheegay war dhiilo iyo naxdin ahaa .
Warkaasi wuxuu ahaa in Ciimadii Dawladii Siyaad Barre oo ka kooban ku dhawaad 70 Tekniko ihi ay la wareegeen Tuuladda Bali-axmed , isaguna dirqi kaga soo badbaaday .
aBali-axmed goob qabsashadeeda la filayay may ahayn , waayo jiidda horre ee dagaalka masaafo ku dhaw 50 km bay kasoo durugsanayd , marka labaad magaalo wayn oo baryahaa aad u camiran oo isku xidha Waqooyi , Barri iyo galbeed na way ahayd .
Markaa kdkuna wuu yool-yooshanaa ilaa habeenkiina wararkaasaa iska soo daba dhacayay , ugu danbayn casarkii waxaa Tuulihii noogu yimi alle ha u naxariistee Dr Xuseen muxumed cawad
.
Dr Xuseen wuxuu
ahaa markiisi horre Digtoor ku takhusasay xanaanadda xoolaha , waxaanay
walaalo ahaayeen Cali Talyaani oo ahaan jirey Mareeyihii aasaasay
wakaalada Biyaha Hargaysa Alhn .
Hasa yeeshee baryahan oo anigu aan bartay Dr Xuseen wuxuu ahaa hogaamiye dagaal oo caan ah, wuxuuna ahaa nin dheer , godan oo indho cascas , mar walbana wuxuu xidhnaan jirey kabo waawayn , koodh cagaara iyo boosh u weheliya qoriga aanu dhigi jirin .
Maalintan dhawr cisho ka hor ayaa Aabahay Yuusuf nuur oo jabhadda qaadhaanka loogu soo hagaajin jirey ka ylimi Diridhabe , dabeeto xuseen iyo Aabo ayaa isu yimi habeenkii 7 fiidnimo .
Anigu waagaa wax i jeclaysiiyey mooyaane waan war jeclaa , inta badana meelaha warka la igama waayi jirin , dabeeto Aabo iyo Dr kornaylka noqday baan raacay .
Meel burciida oo tuulaha ka xigta Galbeed bay fahdiisteen oo cidlo ah , waa labadooda iyo keligay .
Warbixin dheer bay is waydaarsadeen , warbixintii habeenkaasna waxaa ka mid ahaa in Digtoorku yidhi
'' Waxanau ubaahanahay in qori Tarasate ah oo xabadi nagaga goday aanu kasoo hagaajisano Bali-gubadle , rasaasta jiibka oo naga go'ana anau kasoo qaadano , inta aan waagu baryina aanu fariintii ku noqono .
Intaa ka dib Aabo wuxuu waydiyey imika intee haysataan rasaasta jiibka , dabeeto wuxuu ugu jawaabay ''waxba dhawr xabo ooa aanu haynay waanu ku ridnay .
Markaasuu hadna aabo waydiiyey , intee idinku filan , markaasuu Xuseen ugu jawaabay , hadii aanu ilaa 5 xabadood hello , qorigana soo hagaajisano waanu iska celin karaynaa.
Ugu danbayn Aabo iyo Dr xuseen way kala amba baxeen ka dib markii Aabo u dhiibay waxoogay lacag ah iyo shiidaal uu hayay .
jiibkaa waxaa ride ka ahaa nin wadaad ah , oo hadeer ka shaqeeya shirkada Daryeel oo la yidhaahod Ismaaciil aw aadan camale , dareewala waxaa ka ahaan jirey nin caan ah oo la odhan jirey Kayse Ibraahin hurre ( kayse sakhraan) oo geesinimadiisa mar walba laga sheekayn jirey .
AFEEF:
Hadhwanaagnews marnaba masuul kama aha Aragtida dadka kale. Qoraaga ayaa xumaanteeda, xushmadeeda iyo xilkeeda sida. waxa kaliya oo Hadhwanaagmedia dhiirigalinaysaa, isdhaafsiga aragtida, canaanta gacaliyo talo wadaagga!