Somaliland Oo Magacawday Guddida Taakulaynta Dadka Ay Saameeyeen Fatahaaduhu Ee Beledwayne
Hargeysa(HWN):-gudoomiyaha rugta ganacsiga somaliland Jamaal Caydiid Ibraahin ayaa ku dhawaaqay guddi uu sheegay inay somaliland u qaabilsanan doonaan taakulaynta loo fidinayo dadka ay magaalada Beledweyne ku saameeyeen fatahaadaha wabiyadu.
Gudoomiye Jamaal Caydiid oo maanta warbaahinta kula hadlay magaalada ayaa shaaciyey guddida taakulaynta ee loo xilsaaray inay soo ururiyaan qaadhaanka la gaadhsiinayo dadka ay saameeyeen fatahaadaha wabiyadu ee gobolka Hiiraan.
Guddoomiyaha rugta Ganacsiga Somaliland ayaa shaaciyay guddida oo ka kooban ,Culimo, Ganacsato, iyo Rugta Ganacsiga.
Guddidan ayaa isku dubari doonta dhammaan kaalmooyinka laga ururinayo gobolada Somaliland ee loo fidinayo Beled-weyn.