Waxa la yidhi, nin ku sigay wax kuu sheegye" Halkii Qorigu Kaa Muday, Mar Labaad Lug-Taadiyo Cagtu Yaanay Kula Marin", Markan hoos u dhaadhaco, ee aan ka dego aaraarta, ee u gudda galo halka I manakh leh, ee ay cididu igaga mudan tahay, waxa weeye, qof wuu khaldamaa mar iyo lababa, laakiin maaha in uu weliggii iyo allahii dhex dabaasho, wixii aabahii dilay, ee waa in uu ogaadaa halka ay "Salaadu ka xidhmi la'dahay" markuu wax isku dayo-ba ay bog-cadka iskaga rogaysaa,  waxan wixii uu taabto-ba, qulaan-qulshaha ka gawacaya, ee uu dhuub dun ugu geli la'yahay? qofku waa in uu u xisaab-tamaa, si rasmi ahna una dhuuxaa, cidhibta ay ku danbayn doonto, waxa uu doonaayo in uu qabto ama uu ku kaco, oo uu cawaaqibka uu ka dhaxli doono ka  sii fiirsadaa, haddii kale waxay tahay in uu ku tallo galo, in fari  tog-dheer la xuli doonto, oo uu mar kale dhabarka ka jabi, sidii hore ugu dhacday. Waxan rabaa in aan bal idiin soo ban-dhigo, oo aan tusaale ku qoro halkan ah, dhibta maanta inagu habsatay, ee inaga haysata maamulka Somaliland, in ay ahayd ka fiirsasho la'aan iyo inaka oo isku maqanayn. Ta inala durugtay oo aynaan ka fekrin, maxaa inoo dan ah? yaa inoo wacan? qofkee baa ina wadi kara? Xusbigee aan denbi hore soo gelin? yaad isku aamini kartaa? iyo wax yaabo kale oo muhiim ah, wixii aynu kala kulana-na waa taas aan ka nuuxsan  la'nahay, ee ilaa imika inagu jiifta Hashii caweer ( ee Cigaal Shidaad), welina aan la hinqan la'nahay, waxa misana ii sii cad in aynaan uba jeedin, ee aan ku socono wadaddii indhaha la'ayd iyo is mood-siis aan inoo dan ahayn, waxa wacan markaas, ilayn hore baa loo yidhi qof nool iyo ummad jiidhku kuugu yaalo, oo tabaalaysan mid-na lagama indho qarsado'e, in aan maantana idiin soo gudbiyo dareen-kayga, oo i siiyey in aan guriggii madoobaa, ku sii hungoobayno madhnaa mar kale, kana miisayno maskax la'aan ka xun tii hore, ee aan ku jabnay, oo ay durbaan idiin garaaca-yaan kuwii aan eednay, cid  is waydiisay-na aanay jirin.

 Balaaydu inta aanay boqnaha ku goyn, ee aanay seeftu mar kale inala tegin, saw maaha in aan iska jirno qaran jab-keena, batarka beenta  ah ee baloolaydda la ina maqashii-naayo, oo aan mar qudha garano waxa inoo wacan, iyo waajibka inaga saaran horumar-keena iyo siddii aan isaga qaban lahayn, kuwan hagar-daamo, iyo kale eri oo in yar la soo hadh, qaar iska ilaali, gobolo la siiyey Majeerteen, sool oo ana faro ku jirin, wadnaana farta lllagu hayo, wakhti kaste-na la filaayo in ay u gacan gasho kan indhaa kala jeeda ee badhisaabka ka ah Puntland. xoolo urursi iyo dhuumasho  ay is leeyihiin wax baa qariseen, hadana ay baana qoraxdu duhur tahay illaah ku kashifay, been uun la hurgufaayo, is yeel-yeel aan dhana-ba jirin, oo hoosta ka qalaalan, xataa waxa ingu wiirsa-naaya  DDS, waa kaas kii kiilka shanaad ka madaxdda ahaa, cid kale-ba ha sii joogtee, sidaas awgeed bal waxay askar-tani inoo sheegayso, ee ay Meesha ku hayaan waa maxay? saw ka kac iyo wax huu-haaya maaha? Waxay ku mudo dheeraysa-nayaan ka sii xoogsiga ay ummadda ku hayaan, waalidda sii afar qaadaysa, taas oo dlakii gobol-ba gaar u dirtay, wax wadda socdaana aanay jirin, ee ay ku malabsa-nayaan, daba-leefyo loo adeegsaday reert walba sidda ka " Habo Caaye" ee bilaa akhlaaq-dda ah, ee ansh-xumo daraadeed uu war-bahainta ugu dhiibtay, ilayn waa meel loo balamaye in loo dhameeyo'e. waxan ku soo xidhay, qabyaaladdii iyo boobkii is bahaysatay ee aad ku taageer-teen, isku xaafad baanu nahay, ka soo maal hadaba, waa idinkaa adhaxdda seef isku kala badhaye, ee meel ay cuskato la'dahaye. Ku quuso qudhaanjooy, waa taa hadda geeri-go'an ku habstay somalilande.

* N.B Halkii Qorigu Kaa Muday, Mar Labaad Lug-aa-diyo, Cagtu Yaanay Kula Marin.

 Qore:- Abdi-shotaly

[email protected]