waxaanu isku ahayn ciyaalo malcaamad , malcaamaddii aw jaamac ee xaafadda xidigta ee Magaaladda Hargaysa , malcaamadaas oo aanu ku wada jiray dad badan oo ay ka midda qaybaha bulshadda ee kala duwan , kuwaasoo aan ka xusi karro , Maayar xigeenka Hargaysa iyo qaar kaloo badan .

Mar kale waxaanu isku ahayn ardaydii laggu bilaabay dugsigga hoose dhexe ee maxamuud axmed waagii wadanka dib loogu soo noqday 1991 .

Mar kale waxaanu isku ahayn isku fasal , dugsigii hoose dhexe ee sheekh cali cismaan ( Riis) kaasoo aanu kasoo wada baxnay .

Mar kale waxaanu isku ahayn dugsigii sarre ee Maxamuud Axmed Cali oo aanu isku lod ahayn iyada iyo asxaab kale oo badan .

Mar kale jaamacadda Hargaysa Kuliyadda sharciga iyo shaqaddaba waanu isugu nimi , ilaa ay wadanka ka dhoofaysayna waanu wada joognay .

Ugu danbayn Marxuumad sucaad maanta ayay ifka ka hayaantay una hayaantay hoyga Aakhiro ee lama huraanka ah . Geerida naxdinta leh ee ku timidna waa mid aad uga nixisay intii taqaanay , anigana qalbigayga xoog u taabatay igana oohisay .

Marxuumaddu qof aad uwanaagsan , af-gaaban , xishood badan oo edeb leh ayay ahayd , 30 sanadood oo aanu rafiiq ahayna waligay kuma arkin waxaan wanaag ahayn .

Qoyskii ay ka baxday oo aanu dhamaantood is wada garanayno , asxaabtii iyo guud ahaan idilkeen samir iyo iimaan alle ha inaga siiyo .

Inaalilaah wa inaa ilayhi raajucuun .

W/Q: Axmed Nuur Guruje.