Faysalaw Lama Doorsho Abuur ( Abdi-Shotaly).
wax uu ku sheegay " Ururka Midnimadda" isaga oo hor kacaaya qaar la nooc ah ama hoos ka sii xiga-ba, ilayn haddii kale kaynu ogayn may daba galeene. kuwaas oo mabda'oodu yahay "Calool baahaneey ba" taas oo micna-heedu yahay marka la soo ururiyo " Ruux baahani ceeb kama waabsado " waa sidda ninka magaciisu kor ku yaalo'e. waxan-se kaga ciil la'ahay, maanta cid aan aqoonini ifka ma dul joogto, gaal iyo islaam-ba, shaqadii-suna waxay tahay " Caado la gooyaa cadho Allay leedahay" waa murti somaliyeed oo wax badan inoo sheegaysa, loogana faa'iidaysan karo siyaabo kala duwan, laguna dabaqo xaajoojinka aanad mar-naba deynayn, ee dhaqan-kaaga ah, kolka aad ku soo celiso-na, ee aad dariiqii caadiga ahaa soo martid, bay dadka mar-kaas ku arkayaa ay yidhaahaan, waa wixiisii xilka lahaa ee hebel iska daaya, ilayn abuur lama doorshee. Hadaba waxan maanta u soo qaatay qalinka in aan kashifo, waxa Faysal inoogu tilmaamaayo midnimo, faysal Zaad baa sheegi doona halkay taallo'e. Waayo ma jirto ilaa imikana ma hayno, mana imanayso ilaa iyo inta maamulka askartu taagan yahay, ee adiga bay sidaas kuugu dhashaaye, intaad aad cayn-kaas ku sii maali karto, gorofka cad-quudheedka laguugu rido la hoos roor, kolba wax kuugu soo dhacaba,
"Bahal Caydhin ma daayo, nina caadi ma
baajo" maah-maah-danina waxay iyana inoo biniixi-naysaa, in aanu qof-na
wuxuu u dhashay bedeli karin, in kastuu is yidhahao is nasakh, oo sawir kale
isu yeel, adoon meel dheer ka doonin, bal u fiirsadda saddexdan kala ah:
(a) Faysal Zaad,
(b) Raggii ma adigaa ka hadhay,
( c) Geenyo Shaaximan,
3-da ruuxee aan ku calaamadiyey a,b,c ee sare,
waa waano dhalan baa ka adag, si kastoo loo dhoodhoobo, waxay ku sifooba-yaan,
sarbeeebtii ahayd "isma doorsho dameer, oo danaani ma daayo, markuu doog
ka dhergo". Wuxu isna yidhi Timma-cade ( Ihun), " Aduun reer ka
halaabay, markuu aydda ku laayo, dhurwaa uuda ma daayo, abris reenka ma daayo,
nin ugaadhsa-nayaana, kolay awr xun ma waayo" waxan uga socdaa, ninka
gabraarta wuxu leeyahay, awr xun oo jeeniga hoos-tiisa uu ka gallo, si uu u
khiyaameeyo ugaadha, oo aanay isaga u arkin, laakiin-se ay is leeyihiin waa awr
ee dad meesha ma joogo, markuu ku soo dhawaado buu toogtaa oo dilaa, halkaas bay
ku ganac go'daa, kuna dhimataa. ujeediyo haatan. Faysal Zaad waa awr-kaas, ka
jeeniga ku gabana-yaana waa " Raggii ma adigaa ka hadhay" isagana dan
baa ugu jirta, oo qanjidh ka mid ah hilibka ugaadha baa loo tuurayaa, inta uu
ku shaqeeyo, ee mushahar looga dhigay waa waxaas.
Waxan ku soo xidhay qoraalkan, horaa loo yidhi
" Waxaad waalif-toon wad kaa celin, ka waantoobay waa war loo noqon"
waxa dhab ah biyo kama dhibcaan, Faysal Zaad isagu ka sugaaya in la doorto
maaha, waanu og-yahay umana fadhiyo, ciddii soo saartay-na waynu garanaynaa,
imikana dib u soo bixi maayo, halkii lagu yidhi " Uf" meel ka sii xun
buu joogaa, oo kun jeer uu hoos uga sii dhacay, bal ha la weydiiyo haddii
maskaxi in uun ku jirto, midnimadda uu la wareegayaa halka ay taallo? Sawtan
loo kala baxay hayb-hayb, gobol-gobol, degmo-degmo, iyo beel-beel, saxaafaddii
la xakameeyey ee koonfur u carartay, cadaaladdii lagu riday god-xaarka ( Waa
beytal-mayga'e) ama Musqusha, qof-ba siduu u yaqaano, gobolo dhami meesha ka
baxeen, askartii ay cidhibta ku dhuf-teen, ee u galeen Puntland, wasiiraddii
Somaliya joogaan Buuhoodle, soo gabaga-bawday tolaayeey yaa Isaaqaay, jeelasha
lagu buuxiyey beelo gaar ah, hadda kuwii sacabka u garaaci jirey, ee lahaa
anakaa is xigna, uu dib ugu soo kaajay, Faysal Zaad malaha wuxu ku khalday
"Ururka kala Taga", ilayn midnimo uu dad isla soo hor taagaa ma
jirto'e, oo haabaa'an mansuuran bay noqotaye. haduu wax isku falaayo muu
ahaadeen sacab hoorsi.
* N.B Waxaad Waalif-toon Wad Kaa Celin, Ka
Waantoobay Waa War Loo Noqon!
Qore:- Abdi-Shotaly.
AFEEF:
Hadhwanaagnews marnaba masuul kama aha Aragtida dadka kale. Qoraaga ayaa xumaanteeda, xushmadeeda iyo xilkeeda sida. waxa kaliya oo Hadhwanaagmedia dhiirigalinaysaa, isdhaafsiga aragtida, canaanta gacaliyo talo wadaagga!