Handaraab Land Ma Taqaan?
dhaqankoodu mid maaha .
Dhaliil la iskama qaato .
DHafoor taabasho weeye .
Dhibtana la iskuma eego.
daily way kaftamaan .
Hadana la isma dhegaysto.
Dhoohanaad tahay waalan
iyo adaa dhoocil ka liita
warkoodaa ku dhamaadee .
Kaalayoo bal dhegayso.
Dhaqane:Waar heedhe handaraab land ma taqaan?
Dhaashane:Somaliland dheh dee .Ma isagaa jiraba handaraab land.
Dhaqane:Waar Somaliland lahaane sagaal kaagii awow la cadaabye Handaraab land baan ku waydiinay.
Dhaashane:Waar bal aamusa ,adeer ma naqaane bal noo sheeg.
Dhaqane:Dee waa Somaliland.sowtan aad arkaysee bad iyo beriba la handaraabay maaha.
Dhaashane:waar waxaa iga daayoo maxaa miskiin kan ina riyo raac ku haystaan?
Dhaqane:dee waxan ku haysanaa meesha ma riyo ayaa la raacayaa ?Dal dhan baa la rabaa cid dhex u noqotee.
Dhaashane:waar inaadeer xisbinimada iyo siyaasada barta oo dadkan aa ka hinaasaysaan iska daaya.
Dhaqane: maanagaa siyaasada barana mise idinka?Sowtaan idiin gabyeen idin idhi:
Siyaasadu amar iyo i yeel maaha
Irid xidhan garaac maaha
Ictiraaf adoon raadin
Daba orod hadana maaha
Umddana kadeed maaha
Eedee dad kale maaha
Ilihii dhaqaalahana
Wada iibi dee maaha
Aqalkaaga dumi maaha.
Waa qalinkii:Baxnaan xaaji aden diiriye
Sweden
AFEEF:
Hadhwanaagnews marnaba masuul kama aha Aragtida dadka kale. Qoraaga ayaa xumaanteeda, xushmadeeda iyo xilkeeda sida. waxa kaliya oo Hadhwanaagmedia dhiirigalinaysaa, isdhaafsiga aragtida, canaanta gacaliyo talo wadaagga!