Ma Kash-bacay Soltekaw Canka Buuxsoo Can-Cantuug ( Abdi-Shotaly).
xununal-qar-qooshka " Xaafad-tooyadda" ee ku jira Guriggii Moorgan, kuwaas oo isaka laf-toodu moodaayaan in ay wax u tarayaan " Raggii ma adigaa ka hadhay", ilayn waa caydh xakamihii laga jaraye, isaga oo ku jira dhul boob aan xaday lahayn, xaala ka noqday lo'ddii la odhan jirey, markay naqa iyo biyaha isla hesho baa waxay tidhaahaa " Canka buusoo can-cantuug geedaha" oo yaan lagaa badsan, aakhir-kana iyadda baa iska xaalufisa geedaha aaga ay ku nooshahay ku yaala, dabeena waxay dantu ku khasabtaa gumudkii ay ka goosatay dooga gu'ggii oo engegen, markaas baa bogga iyo beerku isku dhegaa, oo ay la calaa-cashaa maad wax sii madhax-satid markaad laba-eefaysay wakhti-yaddii roobabka, imika baad isaga oo caws ah aad daaqi lahayde, laakiin waa goor xeedho iyo fandhaal kala dhaceen, ilayn hadeer tallo ma laha'e. Aan ku soo dhawaado'e biyo dhacayga'e. Ka dawladda hoose ee Hargeysa ka hor joogaha ah, wuxu si hoose kac-doon qarsoon ugu wadaa, kan is leh wuxuu kuu bislay-nayaa baloodhyo fara badan, oo uu kuu soo gacan geliyo, mase oga "raggii ma adigaa ka hadhay" In ay ka soo bixi doonto in halaaggii ugu weynaa uu u qorsheeyey, oo kaba la'aan ku carari doono aakhirka.
"Ma
kash-bacay" waa ka uurka kuusan, ee labadda kelyood kareen, siddii hal 13
bilood siday oo fool taagan ( waa Soleteko ka la yidhaaho'e). Waxan leeyahay,
shaqo wacan baad u haysaa muwaadi-niinta, oo waxad kicinaysaa ummadda, oo aad
ku kelifaysaa in ay mar qudha furta tuurto, oo samadda isku shareerto qayla
dhaanta laga siman yahay, taas oo ah askarta oo far waaweyn oo ah tii shiinaha
ee burushku u qalinka yahay, in wax loogu qoro inaadeerkaa. magac cusub baa
laguu bixiyey oo ah " Diiriye", sababta oo ah waxad dhiiri gelinaysaa
oo keliya, in la sare kaco oo la hurgufo maamulka askartan ee xaaraanta ah.
sidaas awgeed waxan ku leeyahay, sii kordhi oo hawshaas dhul boobka ah sii
laban-laab, waxad soo deg-deji-naysaa dhictaanka maamulka askarta'e. waxan leeyahay " Mr Ma kash-bacay"
calooshuun baa hadeer ku tig-tigane, ee canka buusoo can-can-tuug, oo waa in ay
meel waliba ay noqoto siddii wax bararay, weli maad dhergine, ee ka sii fara
qabso, intaan askarigu ka tegein meesha.
Waxa kaloo loo baahan
yahay qaar badan oo noocaas u shaqeeya, la moodaayo muxaafid, laakiin abuuraaya
mucaaridad isku darta ummadda, taas oo isku aragti ka dhigaysa, marka beel
walba gaar ay u taabato dhibaatadu, kuwii sacabka u garaacaayey-na ay duhur cad
cidhba-hoodda timaado, sidda imikaba ka socota meelo badan, oo askariga isir
tirsa-naayey, oo ay hadeer irbadu ku qaloocan-tahay, wixii ay la jeclaayeen beelha
askartu colaadda gaarka ah u qabto, ay iyakii gondaha hadeer haysato, hadana ay
isku maran yihiin, siddii mara-boobtii dharka ku dheg-dhegi jirtey. Hadaba
markay arimaha aad wadaa ilaa xad is biir-sadaan, loo maaro waayo, faro ka
baxaan, ololku cirka isku shareero, ee dabku shido reer kaste, la arko wixii
inta badan ee reer Somaliland ka dhiidhi-yeysay, la diiday ee dhego loo jalqin
waayey ee lagula yaabanaa, baa danta dalka iyo dadka loo soo noqon doonaa.
waxan ku soo af jaray qoraalkan, nin is waalaba, mar buu waaqliyo, cidla wehel
li'i, warwaree-gaaba, weere ku cunaa, ee kanaw wadhan haad ( waa asakriga'e),
ee wax yar uun suga.
* N.B Nin Is Waalaba
Wakhtigaa Celin!
Qore:- Abdi-shotaly.
AFEEF:
Hadhwanaagnews marnaba masuul kama aha Aragtida dadka kale. Qoraaga ayaa xumaanteeda, xushmadeeda iyo xilkeeda sida. waxa kaliya oo Hadhwanaagmedia dhiirigalinaysaa, isdhaafsiga aragtida, canaanta gacaliyo talo wadaagga!