'' Kaftanka Maanta , Haka Daalin Buuqee , Waligaa La Daba- Joog ''.
dhacayoow ha daaline .
Dardar iyo itaal ,
degdeg iyo xanaaq iyo ,
yeelo diirimaad badan .
Darku waa siyaasade ,
Daacad lagama dheelee ,
Kolba diir usoo xidho .
Marna hadalka dabacsani ,
Kuu dan adiga maahee ,
Dayradda ha moogaan .
Haduu uu dadaal iyo ,
keeno guulo daahira ,
Dafir adigu yeelkee .
Haduu daaro badan iyo ,
dhiso dabaqyo dhaadheer
dooda waxaad tidhaahdaa .
Dadku wuu bakhtiyayaa ,
Derged looma baahnee ,
Duqu beero muu qoddo .
Haduu dalaga badiyana
Daaraha lasoo bood ,
in danteenu tahay dhabi .
Garawshiiyo waa daw
ka daada xaqaagee
ku adkayso diidmadda .
Madfac iyo dagaal iyo ,
dirir waa la dhaafee ,
murankaagu yuu damin .
Doc kastuu u jeestaba
Adna daafta kala qabo
kuna digo haduu lumo ..
Haduu xaajo daahira
keeno duhur dharaareed
runta dabaqyo saarsaar .
Sharcigiyo distoorkana
dacalkuu ka joogsado
Adna deedafeeyoo ,
Qodob kaa dabaaliyo ,
Cusko xaraf dahsoonoo
ku dilaaci aragtidda .
Doorashana caruur iyo ,
Da yar kaama saartee
Ruug-cadaaga day dayo .
Dudmo iyo xanaaq iyo ,
Haka daalin buuqee
waligaa la daba joog .
W/Q: Ahmed Nour Guruje
AFEEF:
Hadhwanaagnews marnaba masuul kama aha Aragtida dadka kale. Qoraaga ayaa xumaanteeda, xushmadeeda iyo xilkeeda sida. waxa kaliya oo Hadhwanaagmedia dhiirigalinaysaa, isdhaafsiga aragtida, canaanta gacaliyo talo wadaagga!