Muqdisho(HWN):-guddida joogtada ah ee golaha shacabka soomaaliya ayaa shaaciyey wakhtiga dib loo furayo kal fadhiyada kala duwan ee golahaasi.

Kulan uu gudoominayey gudoomiyaha golaha shacabka Maxamed Mursal Sheekh Cabdiraxmaan oo guddida joogtada ahi ku yeesheen magaalada Muqdisho waxay ku falanqeeyeen arimo khuseeya kal fadhiga soo socda ee golahaasi.

Sidoo kale kulankan ayaa guddida joogtada ah ee golaha shacabku waxay ku iclaamiyeen wakhtiga rasmiga ah ee la furayo kalfadhiga 5aad ee golahaasi, kaas oo la cadeeyey in 27-ka bisha March uu dib u furmi doono.

Furitaanka kal fadhiga 5aad ee golaha shacabka soomaaliya ayaa ku soo beegmaya iyada oo uu wali taagan yahay khilaafka u dhaxeeya golaha sare kuwaas oo isku haya arimo dhinaca sharciga ah.

Fadhiga 5aad ee xildhibaanada golaha shacabka soomaaliya ayaa mar hore dib u dhacay iyada oo qorshuhu ahaa in 16-ka bisha uu si rasmi ah u furmo.