waxaana labada wadan magacaabeen guddi farsamo oo kormeerta xuduudaha, nabadaasina waxay ka bilaabmaysay Bisha April 16 1988 .

Hadaba horaantii April ee isla sanadkaas 1988 ayaa Taliyihii Qaybta 26 aad , Gen Moorgan wuxuu isu keenay ciidamadii Gaaska 2aad ee Hargaysa iyo ciidamo kale oo xoojina , waxaanu u akhriyay qudbad la hayo oo duuban , waxaana hadalkiisii ka mid ahaa

'' Waxaa loo baxayaa hawl-gal ciidan , oo cadawga laggu soo daba-goosanayo , waxaa lagga yaabaa in aad is tidhaahdaan sawtii nabaddi dhacday , nabadda qudheedda xoogna waa lagu keenaa , markaa cadawga ayaa la raba in hilbo lagala hadho ''

Cudada ciidanka maalintaa la dhaqaajiyay waxay dhamayd 86 Baabuur oo nooc walba leh , waxaana la isugu keenay Magaalada Lebi-sagaala oo dhacda xuduudka Ethopia .

Moorgan oo ciidanka watay , wuxuu amray habeenimadii 14-april 1988 in ciidankiisu subaxa werar balaadhan ku qaadaan Kaam cabdi yuusuf oo u jirra Lebi-sagaala 15 km .

Ciidanka Snm ee jooga Cabdi yuusuf , tiradiisu waxay dhantahay 60 askari sidda ay ii sheegeen rag goob joog ahaa , wax gaadiid ahna looma yaqaano xataa kaaryoone .

Qorshihii Kornayl Obsi .

Col Obsi oo ahaa taliyaha ciidanka la weerarayaa wuxuu sameeyey farsamo cajiiba , ciidankiisiina wuxuu ka saaray goobtii uu ku jiray , waxaanu u raray dib masaafo waxoogay ah , waxaanu u qaybiyay sadex qaybood .

Ciidankii Duulaanka ahaa markii ay goobtii gaadheen waxba way waayeen , cajaladii ay duubayeena waxay ku bilabantay iyagoo leh '' weli waanu soconaa , cidna ma hayno ''.

Cabaar markay socdeen ee waxba waayeen , ayaa mar keliya xagga horre xabad kululi kaga bilaabantay , dabeeto waxay damcen in ay kala baxaan , kala bixii ay kala baxeena , labada koone ee bidix iyo midig ayay xabaddi kaga wada bilaabantay isku mar .

Meesha oo ahayd kaymo jiq ah iyo firkanax ku dhacay awgeed ciidanki way asqoobeen , waanay kala daateen , taasoo u keentay guuldarro balaadhan .

60 nin ciidankii waxay kala hadheen 2 Bay bay , waxa kale oo ay qabteen Kamaradii ay duubeen iyo ninkii duubayay , iyadoo kamaruddu duubtay ilaa soo bixistii Hargaysa iyo Dagaalkii oo dhamaystiran .

Ragga dhacdadan iiga waramay waxay ii sheegeen in hadii ay wuxuun ka haysan lahaayeen gaadiid ay maalintaa qabsan lahaayeen hub badan , morgan qudhiisana qaban lahaayeen .

Nasiib wanaag maanta cajaladdi way taalaa , waxaanay ku jirtaa Youtube , Gen Mooragan wuu nool yahay , waanu ka sheekayn doonaa kolay dhacdadan mar ay noqotaba .

Marxuum C/laahi maanta ayaa laggu aasay Hargaysa , naxariistii janno alle ha siiyo .