Labadda Waalid Oo Shaqeeya Waxay Sababtaa Dayac Caruurta Iyo Guriga Ku Yimaadda
Lamaanayaasha shaqeeya inta badan khilaaf iyo amar kala qaadasho la’aan bay u burburaan, inta aanu burburina catow iyo usoo bandhigidda arrimihiisa gaar ah asxaabtiisa si loola taliyo ayey dantu ku kaliftaa,.
Lixda subaxnimo ayey
labaduba ka baxayaan gurigii, galabta mar bay soo wada hoyanaan, waayadii hore
hablo guryaha ka shaqeeya ayaa la heli jirey imise way yar yihiin oo hablihii
guryaha ka shaqayn jireen waxay ka door bidayaan inay meherad ama kolay jaad
furato si hawlaheeda u madax banaanaadaan.
Taasi waxay keentay
in caruurtii dayacmaan oo ay waayaan naxariistii waalidnimo gaar ahaan
hooyonimo, waxay ku koraan silic iyo darxumo, caruurta habeenkii xaafadaha
wareerisa ama wax dhaca ama wax dila waxay u badan yihiin caruurta ka soo jeeda
qoysska ladan, waxaana ugu wacan waxaanay helin tarbiyad wanaagsan oo inta
badan hooyada caruurta ka war hayn jirtay balse imika hooyo daalan oo shaqo ku
jirta si hoose uma ogaan karto dareenka caruurteeda.
Hooyooyinka qaar bay
shaqadu u dheer tahay inay wakhti badan ku lumiso tamashle iyo inay
asxaabteedda la sheekaysato oo nafteeda ka door bidaa ka caruurtu ku sugan
yihiin.
Waxa jira hooyooyin
badan oo marka shaqada ka soo baxaan dib u baxa oo culayska shaqaddad iskaga
soo ridda goobaha lagu caweeyo, waxa jirtay hooyo ka mid ah kuwaas oo markay
guriga timaado wax yar markay nasato markiiba waxay u baxaysa asxaabteedii si
hoteelada ugu soo caweeyaan, marka ay guriga joogta waxay wehel ka noqotay
laptopkeeda ama buug ay akhriyeyso, xiitaa marka guriga joogto wax ay guriga
kaga filan tahay ma jirto sida uu ku doodayo odaygeedu.
Guriga waxa jooga
labadan lamaane, caruurtoodii iyo ninka hooyadi, hadii ay inan waayaan waxa
halkii inanta u galaysa oo caruurta u haysa waa hooyadii oo halkii laga nasin
lahaa dib u korinaysa caruurtii uu dhalay iyadoo hooyadood guriga joogto.
Ninku wuu yaaban
yahay, isagu ma nasto oo inta uu joogo isagaba caruurta u dhaama hooyadood,
iyadoo maqan oo asxaabteeda ku maqan ayuu guriga yimaada, isagana guriga ka
furo xiliyada dambe oo hadii ay usoo horayso waxay timaada tobanka habeenimo.
Astaabtiisii buu kala
tashaday marka uu uga waramay dhibaatadda haysta, waxa loo soo jeediyey si
dadnimadeeda iyo inay naxariis u jirto loo eego sidan samee, "waar waxad
samaysaa marka ay guriga joogta soo qaado masaxaada, kolay hooyada baa ku
ogolaanayn oo odhanaysa aniga masaxaya marka isku qabsadaan hadii isku naxdo oo
idinka qaado waa qof dhow oo waanno uun u baahan, hadii ay idinku eegtana rajo
ma leh iska fasax”ayuu mid tallo ugu soo jeediyey.
Sidii buu sameeyey oo
hooyadii oo masaxaysa daarada ayuu ka qaaday oo uu yidhi aniga masaxaya,
xaaskiisna fadhiga kula jirta computer , markii ay hadalkooda maqashay ayey soo
baxday waxayna tidhi xaaskii: waa maxay qayladani
Wiilka hooyadii:
aniga masaxaya guriga oo isna wuxuu leeyahay aniga masaxaya anigu ii diidan
yahay.
Xaaskii: maya ma
fiicna khilaafku wax walba waa lagu heshiiya, ee adna maalin masax isna maalin
ha masaxo.
Ninku wuxuu sidan u
samaynayey tijaabo loo soo dhiibay buu ahaaye, markii uu asxaabtiisa kula
noqday siday wax u dhaceen, waxay usoo jeediyeen inuu iska fasaxo, sidii baa
qoyskiina ku burburey mar labaadna caruurtii u dayacan tahay.
Waa sheeko ka mid ah
buuga aan waddo oo ka hadlaya burburka qoysaska soomaalida iyo sababaha keenna.
Barkhad-ladiif Mohamed Omar
AFEEF:
Hadhwanaagnews marnaba masuul kama aha Aragtida dadka kale. Qoraaga ayaa xumaanteeda, xushmadeeda iyo xilkeeda sida. waxa kaliya oo Hadhwanaagmedia dhiirigalinaysaa, isdhaafsiga aragtida, canaanta gacaliyo talo wadaagga!