Taariikh-ddii Muj. Maxamed Xaashi Diirye Lixle( qaybtii 1aad).

0
Thursday October 17, 2019 - 10:55:04 in Articles by Hadhwanaag News
  • Visits: 1156
  • (Rating 0.0/5 Stars) Total Votes: 0
  • 0 0
  • Share via Social Media

    Taariikh-ddii Muj. Maxamed Xaashi Diirye Lixle( qaybtii 1aad).

    Maanta oo ay Tahay taariikh-du 17/10/2019, Waa 35 guuraddii, ka soo wareegtay illaah janadda ha ka waraabiyo'e,

    Share on Twitter Share on facebook Share on Digg Share on Stumbleupon Share on Delicious Share on Google Plus

Maanta oo ay Tahay taariikh-du 17/10/2019, Waa 35 guuraddii, ka soo wareegtay illaah janadda ha ka waraabiyo'e,

mujahaidkii weynaa ee Maxamed Xaashi Diiriye ( Lixle), kuna furay Tix baroor-diiq ah, oo aan anigu u xasuus tiriyey, baa ay qayb-tani woowaad, ugu horeysaa taariikh nololeedkii uu soo maray Mujaahidku, laga soo bilaabo malcaamad qu'raantii, ilaa iyo maalintii uu inoo shahiiday ee 17/10/1984-kii.  Aan kuu bilaabo'e, sidda ay waraysiga igu siisay hooyaddii ( aniga oo ah Abdi shotaly) Ardo Diiriye, oo aan Caasimadda Somaliland, mudo yar horteed intii aanay tii alle ku iman, telefoonka ku waraystay ( Illaah Janadda haka waraabiyo marxuumadda'e), baa warkii aan ka qorey sidan yahay:-

 

Mujaahidku wuxu ku dhashay, Go'dda weyn, taariikh-du markay ahayd 1945-kii (Ma garanaayo bay tidhi maalinta iyo bishii), isaga oo ugu yaraa shan caruur ah, oo ay Ardo Diiriye Dhashay ( Hooyaddii). wuxu yaraantii ku noolaa Go'dda ( reerku joogay), ilaa iyo 8 jirkii baa reerku Burco u guurey oo Aabihii Xaashi Diiriye ka shaqayn jirey, isaga oo ahaa Saajin milateri ah, hal-kaas oo uu ka bilaabay malcaamaddii ku taalay shacabka Burco. Magaca ( Lixle), wuxu kula baxay, isaga oo maalin, looxii uu qu'raanka ku dhigan jirey, ay 2 wiil oo yar-yari ka masaxeen khadkii, iyaka oo qalay-naaya, oo uu ku cusub yahay malcaamadda, dabeed ay wadda qabteen 6 wiil oo wax isu ahaa, ka dib-na uu intiiba dhulka dhigay, sidaas awgeed buu ciyaalkii malcaamadu ugu bixiyeen naanaysta ah Lixle.

 

Dugsiga hoose wuxu ka bilaabay, kii la odhan jirey Burao Old Elementary School ( Imika waa ka la yidhaaho togdheer) ee ka dambeeya Dawladda hoose, waxay isku fasal ahaayeen illaah ha u naxariisto'e, Macalin la odhan jirey Maxamed Cabdi Yare ( oo aniga macalin iigu ahaa Oodweyne), waxay walaalo ahaayeen Axmed Cabdi yare, oo loo yaqaano "Cadaawe", oo sanad ka sarayn jirey, imikana degan London, oo Macalimiintii hore ahaa. Ka dhexe-na wuxu ka galay sheekh, wuxu ka baxay 1959-kii, isaga oo dugsiga sare ka galay Camuud, laakiin markii uu dhamaady dhismaha Dusiga sheekh ee sare 1960-ggii, buu u soo wareegay, isaga oo ka mid ahaa, 24-kii arday ee ugu horeeyey, ee gala, lagana keenay Camuud Sare. iyaka oo ah fasalka labaad ee dugsiga sare ( Form 2). Wuxu dhameeyey dusiga sare 1963-ggii, 1964-kiina wuxu tegay xamar, halkaas oo uu ku biirey ciidamadda ( Milateriga), waxa lagu qaatay xidigle, Waxa loo direy dalka Ruushka su uu aqoonta ciidanka ugu soo takha-khuso, markuu dalka ku soo noqday-na, wuxu qaatay xidigtii 2aad, isaga oo ka yimi dalka Ruushka bishii lixaad 1969-kii, waxana uu ka soo bartay Cilmiga Taangi-yadda iyo baabuurta gaashaaman, wuxu ahaa nin sidiisaba ad-adag bay hooyaddii tidhi, waxanu ku odhan jirney, yaraan-tiisii waar ma askari baad tahay, maxaad la gaardi-yeysaa markaad soconaaya. Illaah ha u naxariisto'e, wuxu ka tegay ubad, Cabdicasiis Maxamed Xaashi diiriye ( loo yaqaano Lilxle yare), oo hadda ka shaqeeya Garoonka diyaaradaha Caasimadda Somaliland ee Hargaysa, iyo Bushra Maxamed Xaashi Diiriye, oo degan dalkan Ingiriiska, Magaaladda Birmingham.  Tixdan hoose waxa tiriyey, Illaah Naxriis-tiisa ha siiyo'e, Cali Xasan Roodhile oo loo yaqaano Cali Banfas, isaga oo ku hal-qabsanaaya, Geesigan aynu ku jirno Xasuus-tiisa ee Maxamed Xaashi Diiriye ( Lixle), waxa la yidhaahaa Gargaar, waxana uu leeyahay, Hadaanan, Hadaanan Lixlaw, Hadaanan gu'ga Maanta, la soo hadhin guusha, ee ku soo dhawaw waa tane:-

 

Waxaan gabay-gayga, guubaabada ciilka,

 Barbaarta gedayda, Katiinadu goysay,

Gubtoon ladi waayo, inaan garab haysto,

Gariirka ag-tayda, ayaan ka gartaaye,

 

Hadaanan hadaanan, Hadaanan gadoodka,

Lixloow guga maanta, la soo hadhin guusha,

 

Waxaan gabay-gayga, guubaabada ciilka,

Gidaar igu meersan, God la igu hor-joogo,

Gaadh la iigu wareejey, Hadaan gacaloowe,

 Gaashaan hidin waayey, Inaan godob-tayda,

Galaydh-kiyo haadda, gaadh-siiyo fariinta,

Ayaa ila gudboone, in aan gudin daabto,

  

Hadaanan hadaanan, hadaanan gadoodka,

Lixloow guga maanta,  l a soo hadhin guusha,

 

Waxaan Gabay-gayga guubaabada ciilka,

Geeraar iyo maanso, intaan isu geeyo,

Ragaad garanyso, Intaan u goleeyo,

Garaadka u buuxsho, Waxaan goconaayo,

Haddaan Gacan-tayda Ku goosana-yaaye,

 

Hadaanan hadaanan, Hadaanan gadoodka,

Lixloow guga maanta, La soo hadhin guusaha,

 

Waxaan gabay-gayga guubaabada ciilka,

Gammaanka cadhaysan, Gargooska ku naaxsho,

Haddaan guluf-koodda, ku soo gambi-yaaye,

 

Hadaanan hadaanan, Hadaanan gadoodka,

   Lixloow guga maanta, La soo hadhin guusha,

 

Waxaan gabay-gayaga, guubaabada ciilka,

Haweenka galuuban, gidaarada Jeelka,

Dad-koodii la geeyey, gasiinka la taagan,

Gubtoon ladi waayo, gudaafka wuxuushtu,

Garuun-kiyo qoolka, wuxuu ku garaaco,

 Wuxuu dhangad geeshka, Sarmaanta galoolka,

Gabdhaha ku uleeyo, mid gaydhka ka caaya,

Waxaan gasariiro, galiilyada saanta,

Gan-kaygu istaago, Gogaygu dubaaxsho,

Ragaad garanayso, Haddaan gashi-gaygii,

Ka soo gudayaa-yoon, ka goosana-yaaye,

 

Hadaanan hadaanan, Hadaanan gadoodka,

Lixloow guga maanta, la soo hadhin guusha.

 

Waxan qaybtan ku soo xaydaamay raggii-raga ahaa waa taas taariikh-doodiiye, Giriyaale fulayaw, riddii garo sideeddii, hadaad giirka kicisoo, goolaaftan madhan iyo, Gebgeb baad ku dhurantaa, abid guul ma hoynine, sidda geesigaa tegay ( Lixle Ihun), gooli-baadhka faqashtii, ku gumaaday gacan adag, maba gaadhi karay-side, gocor-yahaw gambadda xidhan, haysku sheegan geesiye, kii googoradda kaa furey, hadda yaad u guuxdaa, garaw-gaaga iska daaq. Ugu dambayn waxan ku joojiyey, hadaad wax isla haysaan, sidda Mujaahid Maxamed Xaashi Diiriye (Lixle), halka aad duqsi kula dagaalan-teen dadka u cadeeya. Markii Maxamed Cali, Aadan Cade, Kood-buur, Ahmed Mire, Dheya-weyne-Harawaafi, C/raxmaan Aw cali, cabdillaahi Askari Y ay Burco,hargeysa, Berbera, Cadaadley ay isku laba rogayeen, Illaah dhamaan haw naxariisto'e. Xagaad joog-teen markuu Lixle Wacdaraha ka dhigaayey Mandheera iyo Burco Duurey, Dhega-weyne buurta galay iyo Hargeysa, Axmed mire isku kala bixinaayey Burco ilaa iyo Xeebta Sanaag iyo bari oo dhan, Rabbi geesi-daas ha ku siiyo caafimaad ifka ( wixii nool),  aakhiro-na intii shihiiday janadda ha ugu deeqo.

 

La soco Qaybta 2aad.

 

* N.B Xuural-Caynta Magaca leh ( Lixlaw), Midig Eebbe Kuu Geli.

     Qore:- Abdi-shotaly,

[email protected]

 


Lis Dairy
AFEEF:

Hadhwanaagnews marnaba masuul kama aha Aragtida dadka kale. Qoraaga ayaa xumaanteeda, xushmadeeda iyo xilkeeda sida. waxa kaliya oo Hadhwanaagmedia dhiirigalinaysaa, isdhaafsiga aragtida, canaanta gacaliyo talo wadaagga!

Loading...
Loading...