Xukuumada & Waddani Oo Markale Isku Khilaafaya Guddida Doorashada Iyo Qaabka Dastuurku Jideeyey In Loo Xulo Xubnaha Guddidaas
Hargeysa(HWN):-Xukuumada somaliland iyo xisbiga mucaaridka ah ee Waddani ayaa mar kale wajahaya khilaaf soo kala dhexgala.
Khilaafka xukuumada iyo xisbiga ugu weyn mucaaridka somaliland ee Waddani oo haatan si dadban u muuqda ayaa salka ku haya xubnaha ka mid noqonaya guddida cusub ee doorashooyinka somaliland kuwaas oo uu magacaabay madaxweyne Muuse Biixi.
Sida uu sheegay gudoomiyaha golaha wakiilada somaliland Md Baashe Maxamed Faarax, madaxweynaha somaliland ayaa u gudbiyey magacyada todobada xubnood ee loo magacaabay guddida cusub ee doorashooyinka kuwaas oo ay ku jiraan sadex xubnood oo madaxweynuhu magacaabay.
Xisbiga mucaaridka ah ee Waddani ayey wararku sheegayaan in xubnaha uu soo magacaabay madaxweyne Muuse Biixi aanu sharcigu u ogolaanayn inay ka mid noqdaan guddida doorashada, iyada oo qaarkood uu ku eedaynayo inay ka tirsan xisbiga Kulmiye halka qaarna ka mid yihiin shaqaalaha dawlada.
Dhinaca kale dastuurka somaliland ayaa si cad u sheegay shuruudaha laga doonayo qofka loo magacaabayo inuu ka mid noqdo guddida doorashooyinka somaliland.
Halkan Hoose Ka Akhriso Sida Dastuurku Jidaynayo