Waxa maalmahan ku meeraysa-naay, xusbiyadda mucaaridka ah ( Siiba Waddani), kuwo ah asxaabul-hunguri, oo la yidhi suul-daaro u soo dhiga,

Kuwaas sare ku cayiman, oo lagu yaqaanay inta cumaamadaha inoo sidata, oo gebi ahaan-ba ka sal-guurey, kuna biyo shub-teen siyaasiyiin, Weji ku macaash ah, kolb a ka gacanta wax u saara iyo inta qiimaha loo saaraa le'eg-yahay, ay ka gashay cumaamaddii, subax kaste-na ku kalahaya halka hadal ka furan yahay, ee ay rux-ruxan karaan maalintaa, oo ay madaxa ku wadda duub-teen, Cumaamad Hunguri, sidda bir-labta u soo jiidata sanqadha dhururidda doolarka, iyaka oo iska xaadiriya subax iyo galab walba Griggii Moorgan. Aniga oo arinkaa eegaaya baan tixdan hoos ku qoran unkay, ee ku soo dhawaw muwaadin, waana mid run ah, hadaad igu diido iyo hadaad igu raac-daba waxa aan tixdan ku sheegay:-

Waaggii faarax suusliyo jireen, waafiggii taladu,

Wakhti ay tageen odayaddii, Dhabeeye iyo diiriyaba,

Wehel Faarax Nuur iyo, Suldaan wabarkii Samaroon.

Goortii Wad-kooddii helaa, yimi wareer-kaniye,

Kuli-good wabiinay noqdeen, weere bahaleede,

Waaggii dilaacaba waxay xidhaan, duubab waar leege,

Afartaa wax lays-kuma maree, waw ma ka higaashay,

Waayuhu wuxuu qorey ayaan, waafaqoon qiraye,

Haduu dhaqanku waayeel lahaa, weji-macaashawye,

Oo wax garad loo yiqiin, odayo waa-weyn-ta

Wanaag iyo xishood lagu ogaa, arin wacnaan-tiisa,

Sama-talis kuwii loo egmaday, waano iyo xaajo,

Waan-waanta nabdiyo wixii, lagu walaaloobo,

Kuli-good wabiinay noqdeen, weere bahaleede,

Waaggii dilaacaba waxay xidhaan, duubab waar leege,

Afartaa wax lays-kuma maree, waw ma ka higaashay,

Marka xaajo wiiqanto kuwii, wadar la doonaayey,

Waayo'arag ninkii loo filiyo, kii wax garanaayey,

Beelaha ragii kala wadee, waayo hore joogay,

Waaggii yimaadaba raggii, xume ka waantoobay,

Waxan looga baran bay arladda, kula wareegaane,

Kuli-good wabiinay noqdeen, weere bahaleede,

Waaggii dilaacaba waxay xidhaan, duubi waar leege,

Afartaa wax lays-kuma maree, waw ma ka higaadshay,

Wakhtigaa wareerkaa dhigiyo, waydan aan bixine,

Waa madax-dhaqmeedkii kuwaa, wadhafka tuuraaye,

Suldaan waafiya'iyo ma jiro, caaqil waab-taaye,

Wadaday sii hayaan maaliniyo, wilig habeenaade,

Waxa loo maleegtaa halkaad, weerar geli-saane,

Kuli-good wabiinay noqdeen, weere bahaleede,

Waaggii dilaacaba waxay xidhaan, duubi waar leege,

Afartaa wax lays-kuma maree, waw ma ka higaadshay,

Waayeelka jaqaf-sadda miyaa, keenay walba-haarka,

Waayaha aduun-yadda miyaa, igu dul weetoobay,

Ma wisiisi baan goor kastaba, wahamka aan saaray,

Ma siyaasi bay wadda noqdeen, beenta wadda sheega,

Ma halkay i wiiqeen ayaan, waaxyo ka hilboobey,

Kuli-good wabiinay noqdeen, weere bahaleede,

Waaggii dilaacaba waxay xidhaan, duubi waar leege,

Afartaa wax lays-kuma maree, waw ma ka higaadshay,

Wadnahay-gu dhiigii ma habay, waranku saameeyey,

Wacda-raha ayaamha miyaa, weli i naafeeya,

Hidihii wacnaa laga tegyoo, waali loo guurye,

Weynaw aduun baa karee, belo na waydaari,

Rabiyaw na waafaji adigu, talo wax noo taraysa.

Waxan ku soo guntay maqaalkan xambaarsan tixdan gaaban, Ummad yahay iska ilaaliya, kuwani ma yaqaanaan hoo, keena way u hardafa-yaane, waa wadda koofiyad bacla-yaal, ku xeeran maamulka askarta, hana moodina, qaar dan reer, ama qaran wadda, ee waa calooshoodda u shaqaysta-yaal, ku baadhasho taga magac reer. iska daa waxay hagaajiyaan, ama isku wadaan, waan-waan dhex dhigaane, waa kuwo dhuun-toodda uun u maleegan, iyakaana ku kala qaybsan, oo kolba mdi u waydaartaa inta kale isaga oo hilaaban, ee ma kuwaas baynu wax ka sugaynaa.

N.B Weynaw Aduun Baa Karee, Belo Na Waydaari!

Abdi-shotaly,

[email protected]