Giriyaad Dhexddii Gabal Maygu Dhacay (Abdi-Shotaly).
Maah-maah baa waxay ahayd " Is-gawrac isaga baan naf isu hayne" Hees uu ku luuqayn jirey Maxamed Aadan Dacar, bay hadda sawirk-eeddii leedahay Somaliland, taas oo ah " Goblin tallo aduun-yooy nina tii ma gaadhee, golda-loola hoosiyo, gog-god lagama waayee", imikay bilaa ciirsi tahay, waxa uu odhan jirey Isna Cabdalle Zagzaag (IhuN)" Bad baa igu gaaf wareesan, oo cirkaan gabal ka arkayaayoo, mawjado gurxamaan dhex galayoo, guntooddii ka hadala-yaaye, ee ilayn geed la cuskadaana, ilayn cid garaabay-saane". Aan ku soo dhawaadee, baf-baftii ka dhamaatay Xaafad-tooyaddii, oo gel-gelin madhan bay is leeyihiin biyo ka dhaamiya, ee saw ayaan darro maaha. Markii aduunkii ka sii jeestay, isi soo taagtay geeri go'an, baa miciin la mooday Taageera Jubaland ( waa maamulka Kismaanyo'e). oo isaga laf-tiisu ah mid aan jirin iyo cidla ka wareer cidhib-tiisa cunaaya, may noqon soof-daran habaw lunsan. Waxay ku meeraysato Xusbiga Waddani baa Xidhiidh la leh Somaliya-ba, marna ay Xaramka ku baryo tagaan, oo ay kula kulmaan Wasiiradda Arimaha debedda iyo Maaliyadda ee Farmaajo, haday runi-run timi, oo si wacan oo badheedh ah, xaqii uu banaanka u yimi, isaga oo xagga rabbi laga soo kashifay, Maamulkii madaxtooyada Hargeysa, ee maantana maxay sheegi doonaan? Halkay ka bixi waa kuwan Weftiga u diraaya Caleema-saarka Jubalande. Ma siddii lagu yaqaanay bay tana dafiri labaddii askari, mididdii baa dul saarane.
Waxan ku soo xidhay akhristaw, " murtiddii ahayd " Gerigoan cidlaa, cidan garab-sadiyo, gacal ii dhawayn, gabal maygu dhacay" Tani way iska kala dareertay, wax u hadhsanina ma jiraan, ee waa ku sii shaqayso, oo googo'a ka sii ururso intay isku dumayso, ilayn wax-baba uma hadhine. Ummad yahay maxay idin-la tahay? Oo maxaa odhan lahaayeen kuwa dhuuni raacyadda ah, ee xil ku doonka ah sacabinta maamulka askarta, haddii Xusbiga Wadanina uu Wefti u diro Gal-mudug? Sidee baa ummadda reer qudhmiye wax uga sheegi lahaayeen? Maxay-se ku warami lahaayeen?. Waxan kaloo aan idin waydiiyey, weftiga ay u direen Labadda Kismaanyo Naf maw soo celinayaa? Muxuuse ku tarayaa? Miyuu bakhti afuufayaa? ama uu ku soo kordhinayaa? Saw kama sii caqli xuma ama kama dhigna ninkii is yidhi nafta u qabo, hooyaddii oo ay ka sii baxayso, intuu quraarad afka u saaray? ujeedo iyo haatan, waxan ku soo dabray qoraalkan, Reer Xaafad-tooyo way u dhamaatay, oo waa kuwaas meel aan wax laga deyin, is yidhi ictiraaf baa ku jira, oo wakhti aan fogayn bay isku giiji-nayaan xadhiga luqunta ugu jira, oo waa naf la caaridkii ugu dambeeyey, waa kuwaas dabay-shaday siddii wadadkii markuu caymaday lahaa " Xageen Daarood ka raacaa", ee Cali Dhuuxna ku lahaa " Waa lagu digtaa ruux haduu kuu daraan jiraye" Waxan ku soo qoofalay ugu dambayn, naf go'aday lama soo celin karo, ee kuwani iyakaa qulaal-qulshaha iska gawracay.
* N.B Is-Gawrac Isaga Baan Naf Isu Hayn.
Qore:- Abdi-shotaly.
AFEEF:
Hadhwanaagnews marnaba masuul kama aha Aragtida dadka kale. Qoraaga ayaa xumaanteeda, xushmadeeda iyo xilkeeda sida. waxa kaliya oo Hadhwanaagmedia dhiirigalinaysaa, isdhaafsiga aragtida, canaanta gacaliyo talo wadaagga!