'' Kaftanka Maanta , Waxa Kugu Haboonayd ,Afka Hayso Oo Qudha ''.
Waxaan kula hadli lahaa ,
Marka aad hagaagtaa ,
Reerkiina hanataa ,
Geeliina haysaa ,
Aabahaaga haydhka i ,
Hadhka soo fadhiistaa .
Imika waa halkaase , Boqor Buuramadow oo yidhi waxaan Xaal ka bixinayaa hadalka Djabouti iyo Faysal Cali Waraabe u dhaxeeya , oo Djabouti baan xaal marinayaa , isagoo gurigiisi gubanayo , deegaankii lagga soo doortayna qiiqayo , waxaynu leenahay ,
Boqor waad halmaantaye ,
waxa aad hadli lahayd ,
Markaad habar-lamaan iyo ,
waajibkeeda hanataa ,
Dabka huray bakhtiisaa ,
Hoygaaga qiiqiyo ,
hurushaagu qaayibay ,
holiciisa damisaa
Ma-huraanka kala qaxay ,
isu soo hawadisaa
hanbadooda korisaa
Inta bari hangalan yahay ,
Ceel-afwayn hawiran tahay
Halasuhu sidaa yahay .
Hiyi waale guud iyo ,
Hawo kuuma taalee ,
waxa kugu haboonayd ,
Dhuumashiyo hagoog iyo
inaad hoos u hadashiyo
Afka hayso oo qudha .
W/Q: Axmed Nuur Guruje
AFEEF:
Hadhwanaagnews marnaba masuul kama aha Aragtida dadka kale. Qoraaga ayaa xumaanteeda, xushmadeeda iyo xilkeeda sida. waxa kaliya oo Hadhwanaagmedia dhiirigalinaysaa, isdhaafsiga aragtida, canaanta gacaliyo talo wadaagga!