Hargeysa(HWN):-Wasiirka horumarinta beeraha Axmed Muumin Seed ayaa muddo laba toddobaad ah sheegay in aanu qaabili doonin shacabka uu adeegyada u hayo. 

Wasiirka beeraha ayaan sheegin sababta labadaas toddobaad uu meesha uga saaray la kulanka dadka Somaliland, waxase xafiiskiisa hortiisa lagu soo d hejiyay warqad u qornayd sidan "Mudanayaal iyo marwooyin waxaan idinla socodsiinayaa in aan hakiyay la kulankii dadka wasaarada dibada kaga imanaayay muddo dhan laba wiig. Haddaba waxaan mar labaad idinla socodsiinayaa inaad sidaas ula socotaan.”

Wasiir Axmed Muumin Seed ayaan warqada ku cadayn sababaha keenay inuu hakiyo kulamadii uu la qaadan jiray dadka uu xafiiskiis ku qaabili jiray ee uu adeegaha u ahaa, waxaana la filayaa inuu shacabka u cadeeyo hawsha uu galinayo wakhtigii uu la kulmi jiray.