Gudoomiyihii Kulmiye ee Axmed Siilaanyo , oo xafladaa ka qudbadaynayay , ayaa dabeeto isagoo la hadlaya Madaxwayne Riyaale ayaa wuxuu yidhi '' Maxamed Daahir Riyaale ha dhaco , ka markaasaa loo saxay , hadana wuu ku celiyay , markaasaa loo saxay hadana wuu ku celiyay .

Waagaas na inkastoo Siyaasiyiin badani xisbiga Kulmiye joogtayna , hadana qofka ugu hadalka badan ee maalin walba hadlaa wuxuu ahaa Siilaanyo , oo isagu ahaa qofka ugu horeeya mucaaradada iyo naqdiga xukuumadda , halka siyaasiyiinta kale u muuqdeen in ay Siilaanyo taageerayaan .

Imika mucaaridka sidaas si ka duwan baa jirta , hadh iyo habeen waxaa saxaafadda la hadla siyaasiyiin kale , musharixiintii xisbiyaduna xagga danbay ayay joogaan , waxaanad moodaa in musharixiintu taageerayaan siyaasiyiintooda , halkii ay ka noqon lahayd in ay u muuqato in siyaasiyiintu taageerayaan musharixiinta , ilaa iyo inta aad ka arkayso , musharax madaxwayne oo xayraan awgii halmaama magaca Madaxwaynahana weli mucaaradidu ma gaadhin meeshii loo baahnaa