WAY INA DAYACEEN !!! W/q: Hamse Bashe Wiyeer-yare
Waddan kasta oo aduunka kamid ahi waxa uu leeyahay waax ama Ha'ayad loo yaqaan Ha'ayadda saadaasha cimilada,
Ha'ayadaas oo hoos tagta
wasaaradda deegaanku waxay maamushaa oo waa'a kasta oo berya umadooda
usoo bandhigtaa heerka cimilada maalinlaha ah, iyadoo digniino siisa
maalmaha roobabka waaweyni di doonaan, Bulashaduna markaas kadib ayey ka
gaashaantaan oo kasii hortagaan, subixii marka aad gurigaaga kasoo
baxayso waxaad helaysaa fariin kaaga timi Ha'ayadan oo ku faraysa wixii
aad maanta yeeli lahayd si aad uga gaashaamato cimilada maalintaas,
tusaale ahaan hadii uu roob tiix ahi jiro waxay ku odhanaysaa "Fadlan
dalaayada ha ilaabin", hadii qabow ama baraf da'aayo waxay ku odhanaysaa
"Fadlan dhar adag gasho", Hadii dabaylo jiraan waxay ku odhanaysaa
"Fadlan gaadhi qaado".
Bal hadaba inaga ka warama, waxaa Hal mar Ina qaybsanaaya roobab
waaweyn oo qaarkood dabaylo wataan, dadkeenii danyarta ahaa iyo
suuqleydii maxaa u dambeynaaya?, Waxaad arkaysaa dooxyo waaweyn oo
xanibaaya baabuur badan oo iskusocodka magaalooyinka qayb ka ahaa, hadii
losii sheegi lahaa dhibtaasi may dhacdeen, Dhibta roobabka iyo abaaraha
inaga qabsadaa illahay kasokow waa dayacnaan Dawlada dhankeeda ah, waa
waxqabad la'aan iyo hadal macaan oo la iskugu keendaray. Sanad kasta
biyo xadigooda illahay uu ogtahay ayaa ku darsama badaha iyagoo aan Hal
litir ookamid ah laga reebin, miyaanay nusqaan inugu ahayn qaran jira oo
aan Hal litir diixayada dalkooda ka reeban karin, meeday wasaaradii
kushaqada lahayd, Maxay saadaasha sanadka dambe ugu Dari weyday
qorshaheeda, beri kamaalina biyahaas aan xadiga lahayn waynu ka
oomanahay oo Hargeysa gudaheeda ayaa ka ooman, hadal bil kabacdina waa
macaluul iyo gaajo iyo halanalasoo caawiyo, Bal kawaran xalada noocaas
ah miyaanay ahayn "Waxna ha uqaban qawda maqashii".
Tan saadaasha roobabka iyo Dhibta suuqleyda aan kusoo noqodo, Hooyo
Soo kalahaday oo cadceeda fadhida oo aan haysan dhisme ay dhaxanta,
cadceeda iYo roobabaka ka gasho, oo dalad Yar oo jirqin ah hoos fadhida
ayuu Hal mar qaybsanayaa roob xoogan oo aragti iyi qiyaas mooyaane aan
sadaal iyo siduu yahay midna aan ka warhaynin, markaas buu ka qaadayaa
wixii yaraa ee ay reer dhan iYo caruur dhan ku biilinaysay, halkaas ayey
kaga dhaqaaqaysaa iyadoo faro madhan, Bal kawarama hadii subixii hore
ee ay Soo shaqo gelaysay ay helilahayd fariin ugusoo dhacada mobilekeeda
gacanta oo faahfaahin kasiinaysa sida ay maalintaas cimiladu noqon
doonto si ay qorshaha ugu darsato, Hooyadaas oo keliya maaha ee waxaa
fariimaha noocaas oo kale u baahan shirkadaha isgaadhsiinta iyo kuwa
laydhka si aanay dhibaato ugu noqon hawlmaalmeedka ay Bulshada u hayaan.
Lasoco qaybt 2aad
W/q: Xamse Bashe Wiyeer-yare
E-mail:
[email protected]
Hargeysa
Somaliland
AFEEF:
Hadhwanaagnews marnaba masuul kama aha Aragtida dadka kale. Qoraaga ayaa xumaanteeda, xushmadeeda iyo xilkeeda sida. waxa kaliya oo Hadhwanaagmedia dhiirigalinaysaa, isdhaafsiga aragtida, canaanta gacaliyo talo wadaagga!
Loading...
Loading...