Liibaan Ismaaciil oo sharaxay ujeedada tababarkan ayaa yidhi " Ujeedada tobabarkan ayaa ahaa sidii kor loogu qaadi lahaa tayada shaqada iyo xafiisyada ay masuulka ka yihiin isu- duwayaashu. Talaabooyinkan ayaanu Komishanka Maamul wanaagu ugu tallo galay in la wada gaadhsiiyo heer qaran ilaa mid gobal”.

Liibaan oo hadalka siiwata ayaa intaasi raciyay  "Waxa iyaduna ku xigi doona sida qorshuhu yahay gobalada kale ee dalka taas oo ay barbar socon doonaan Wasaaradaha iyo Hay'addaha madax banaan. Tobabaradan ayaanu hore ugu samaynay Wasaaradaha Maalgashiga iyo Xidhiidhka golayaasha iyo Arrimaha Dastuurka. Tobabarka ayaanu rajaynayaa in uu wax badan ka badali doono hawlaha shaqo ee ay masuulka ka yihiin isu-duwayaasha gobalka Awdal” ayuu yidhi.