Sucaad ayaa sawirkaasi ay wada galeen madaxwayne Muuse Biixi iyo Wasiiro ka socda Somaliya ku tilmaamtay mid aan haboonayn " Madaxdu way kala duwantahay qiyam kala duwan bayna leeyihiin, madaxwaynuhuna masiirkii Somaliland buu madaxa ku sidaa, meeshuu istaagaba waa sawirkii Somaliland markaa anigu ma hubo sawiradani inay sax yihiin laakiin dad badani waxay leeyihiin may ahayn maqaamkiisii, dadkaana  dagaal baaba inaga dhaxeeya sidaad ogtihiin, dagaalkaasi oo ah mid dhaqaale iyo mid siyaasadeedba, sidaa daraadeed waxay ahayd inaan sawirkaasi lagelin, khaasatana raga sawirka lala galay waa ragii albaabwalba in laga soo xidho Somaliland doonayay” ayay tidhi Sucaad Carmiye oo la hadashay Telefishanka Sahan.

Sawirkan uu madaxwayne Muuse Biixi la galay wasiirada Somaliya ayaa aad loogaga dooday baraha bulshada, waxaanu noqday sawirkii todobaadkan ugu hadalhaynta badan Somaliland.