Beel waliba dhaqan bay leedahay iyo hiddo u gaar ah , kaasoo ay la wadaagto beelaha qaarkood , kuwo kalena ay kagga duwantahay , arrintaas oo ah mid iska dabiiciya oo ay sababtay deegaanta iyo duruufuhu .

Sidaa markay tahay , Garxajisku waa Beel xoolo dhaqato u badan oo dhaqankeedu ku arooro reer guuraa iyo miyi , sidaas darteed , dhaqankeeda waxaa u sal ah , Gabayadda , Geela iyo xoolo dhaqashadda .

Sidaa darteed , bulsho ahaan waxaa mar walba u dabeecada in ay ka sheekayso Abwaano horre , dagaalo horre iyo waayihii dadkii Soomaaliyeed uu waayaddi horre ku noolaan jireen .

Hassa yeeshee , amarka Ilaahay , siyaasiyiinta beeshan soo maray ilaa 1960 soo maray , gaar ahaan kuwii hogaanka u qabtay , weli lama hayo , Hogaamiye dhaqanka beeshan jila , kaasoo markoo hadlayo soo qaato gabayaddii Cabdi gahayr , Gabayadii Yawle ama kuwii Qawdhan Ducaale , siddoo kale lama arkin , hogaamiye ku maahmaahaya Murtidii Suldaan Diiriye iyo Dhalin ileeye , sidoo kale , weli lama hayo siyaasi beeshan ka yimi oo goleyaasha isla soo taaga hawraar ku dhisan Faan , Hanjabaad iyo baanise , hassa yeeshee hogaanku wuxuu u badnaa ilaa C/raxmaan Axmed Cali , Jaamac Maxamed Qaalib ilaa yawmunaa hadaa , Hogaan reer magaala oo aan waxba dhaqanka beesha iyo taariikhdeeda ka aqoonin , sidaa darteed beesha iyo madaxdeedu aad isuma afyaqaaniin .