Xadhiga wasiirkii hore ee warfaafinta dawlada deegaanka soomaalida Guuleed Aw Cali Kaahin iyo xil ka qaadistiisaba ayaa lala xidhiidhinayaa khilaaf adag oo ka dhex taagan dawlada federaalka ah ee Itoobiya iyo dawlada deegaanka soomaalida, iyada oo madaxweyne Cagjar uu dawladiisa ka saarayo xubnaha ka soo jeeda aragtida uu ka qabo xisbiga ee taageersan gudoomiyaha xisbigaasi Axmed Shide.

Madaxweyne Mustafe Cagjar iyo gudoomiyaha xisbiga deegaanka soomaalida ahna wasiirka maaliyada ee dawlada federaalka ah Axmed Shide ayaa isku haya qaabka loo soo xulayo xubnaha golaha dhexe ee xisbiga, iyada oo dhawaan la filayo in la qabto shirweynihii xisbiga.

Magaalada Jigjiga ayaa laga dareemayaa khilaafka u dhaxeeya dawlada deegaanka iyo dawlada federaalka ah.