Madaxweynaha Jamhuuriyadda Somaliland, Mudane Cabdiraxmaan Maxamed Cabdillaahi (Cirro), iyo weftigii uu hoggaaminayey ayaa maanta dalka dib ugu soo laabtay, kaddib markii ay soo dhammeysteen safarro shaqo oo ay ku tageen dalalka Maraykanka iyo Isu-tagga Imaaraadka Carabta.

Safarradan ayaa qayb ka ahaa dedaallada diblomaasiyadeed ee Madaxweynaha Somaliland, kuwaas oo ujeeddadoodu tahay xoojinta xidhiidhka caalamiga ah, ballaadhinta iskaashiga dalalka kale iyo horumarinta danaha istiraatiijiga ah ee Jamhuuriyadda Somaliland.

Sidoo kale, safarrada ayaa lagu tilmaamay kuwo fursado u abuuri kara xoojinta iskaashiga caalamiga ah iyo kobcinta danaha dhaqaale iyo siyaasadeed ee Somaliland.

Ilaa hadda, faahfaahin dheeraad ah lagama bixin natiijooyinka gaarka ah ee ka soo baxay kulamadii iyo wada-hadalladii uu Madaxweynuhu la yeeshay dhinacyada uu kula kulmay safarradiisa.