Taliyaha Ciidanka Qaranka Somaliland Oo Kulan La Yeeshay Safiirka Itoobiya

Visits: 85
(Rating 0.0/5 Stars) Total Votes: 0
0 0
Share via Social Media

Taliyaha Ciidanka Qaranka Somaliland Oo Kulan La Yeeshay Safiirka Itoobiya

Safiirka Itoobiya u fadhiya Somaliland, Danjire Teshome, ayaa Taliyaha Guud

Share

Safiirka Itoobiya u fadhiya Somaliland, Danjire Teshome, ayaa Taliyaha Guud

Taliyaha Guud ee Ciidanka Qaranka Jamhuuriyadda Somaliland, Sarreeye Guuto Nimcaan Yuusuf Gaaxnuug, ayaa xarunta Taliska Guud ee Ciidanka Qaranka ee magaalada Hargeysa kulan kula yeeshay Safiirka Itoobiya u fadhiya Somaliland, Danjire Teshome, Qunsulka Guud ee Itoobiya ee Somaliland iyo u-qaybsanaha difaaca ee safaaradda Itoobiya.

Kulankan ayaa labada dhinac kaga wada hadleen xidhiidhka iyo iskaashiga dhinaca difaaca, iyaga oo sidoo kale diiradda saaray xoojinta wada-shaqaynta amniga iyo sidii wax looga qaban lahaa arrimaha amni ee ka taagan gobolka.

Safiirka Itoobiya u fadhiya Somaliland, Danjire Teshome, ayaa Taliyaha Guud ee Ciidanka Qaranka uga warramay xaaladihii ugu dambeeyey iyo horumarrada ka socda gobolka.

Dhankiisa, Taliyaha Guud ee Ciidanka Qaranka Somaliland, Sarreeye Guuto Nimcaan Yuusuf Gaaxnuug, ayaa xaqiijiyey sida ay Somaliland uga go’an tahay xoojinta iskaashiga dhinaca difaaca ee labada dhinac, si loo taageero nabadda iyo xasilloonida gobolka.

Kulankan ayaa qayb ka ah wada-hadallada la xidhiidha iskaashiga amniga iyo difaaca ee Somaliland iyo Itoobiya.