Xeerka Warbaahinta Somaliland ayaa la filayaa in berri la horkeeno Golaha Wakiillada Somaliland, iyadoo xildhibaannadu ka doodi doonaan qodobbada xeerka iyo arrimaha la xidhiidha nidaaminta hawlaha saxaafadda.

Xildhibaan Axmed Khaliif oo ka tirsan Golaha Wakiillada Somaliland ayaa xaqiijiyey in xeerka berri la horgeyn doono Golaha.

"Xeerkii Saxaafadda berri, haddii Alle yidhaahdo, ayaa la horkeenayaa Golaha Wakiillada,” ayuu yidhi Xildhibaan Axmed Khaliif.

Haddii xeerka la horgeeyo sida la sheegay, xildhibaannada ayaa fadhiga Golaha kaga hadli doona qodobbada ku jira xeerka iyo habka loo sii ambaqaadayo hawsha sharci-dejinta.