Berbera – Sheekh Xuseen Cali Jabutawi iyo culimo kale oo diini ah ayaa wacdi iyo dardaaran diini ah u jeediyey shaqaalaha Dawladda Hoose ee Berbera.

Wacdiga ayaa saaka ka qabsoomay barxadda hore ee xarunta Dawladda Hoose, halkaas oo ay isugu yimaadeen shaqaalaha degmada, iyadoo culimadu ay la wadaageen waanooyin ku saabsan muhiimadda akhlaaqda wanaagsan iyo masuuliyadda shaqo.

Kulanka ayaa qayb ka ahaa kulan ay maamulka Dawladda Hoose ee Berbera la yeesheen culimada diinta, waxaana diiradda lagu saaray dardaaran la xidhiidha waajibaadka, masuuliyadda iyo hab-dhaqanka wanaagsan ee shaqaalaha.

Sheekh Xuseen Cali Jabutawi iyo culimadii kale ee la socotay ayaa halkaasi ka jeediyey hadallo diini ah iyo waanooyin loogu talagalay shaqaalaha degmada, iyagoo ku boorriyey inay xilalkooda u gutaan si masuuliyad iyo akhlaaq wanaagsan leh.

Kulanka ayaa kusoo dhammaaday jawi diini ah, iyadoo shaqaalaha Dawladda Hoose ay dhagaysteen wacdiga iyo dardaaranka culimada.